Harbiy-texnik instituti konstitutsiyaviy huquq

Ikki palatali parlamentning tashkil etilishidan ko’zlangan asosiy 
maqsad: 
–birinchidan
, doimiy faoliyat ko’rsatuvchi quyi palataning tashkil 
etilishi qonun ijodkorligi jarayonining takomillashuviga xizmat qiladi. 
Zero, O’zbekiston Respublikasining birinchi Prezidenti Islom Karimov 
tomonidan ta’kidlab o’tilganidek, “qonun yaratishda avvalo, hayotni 
yaxshi biladigan, siyosatni chuqur tushunadigan huquqshunoslar, 
siyosatchilar, iqtisodchilar va mutaxassis vakillar ishlashi darkor”. Yilda 
uch marotaba sessiyalar o’tkazuvchi Oliy Majlisdan farqli o’laroq, yangi 
deputatlar quyi palatada doimiy faoliyat ko’rsatadilar. Endi ularning 
vazifasi shunchaki qonunlarni qabul qilishdan iborat emas. Ular, eng 
avvalo, qonun loyihalarini, qonunlarga o’zgartirish va qo’shimchalar 
kiritish to’g’risidagi loyihalarni ishlab chiqadilar. Shundan keyingina uni 
muhokama qilib, qabul qiladilar va ma’qullash uchun yuqori palataga 
jo’natadilar; 
–ikkinchidan, 
quyi palata deputatlari, o’zlarining asosiy ish 
joylaridan ajralgan holda, faqat qonun ijodkorligi jarayonida ishtirok 
etadilar. Endi ular uchun deputatlik maqomi qandaydir oliy unvon yoki 
darajani emas, balki ularning kundalik mehnat vazifasi – kasb-korini 
anglatadi. Asosiy ish joyidan ajralgan holda faoliyat ko’rsatish 
deputatlarning davlat hokimiyati va boshqaruvining boshqa organlaridan, 
mansabdor shaxslardan mustaqil bo’lishlarini ta’minlaydi; 
– uchinchidan, 
quyi palatada deputatlar o’z qarashlari va nuqtayi 
nazarlarini birgalikda ifoda etish maqsadida siyosiy partiya fraksiyalari va 
deputatlik guruhlari tuzishlari mumkin. Bu davlat va jamiyat hayotida 
siyosiy partiyalarning nufuzini yanada oshirishga, shu orqali turli ijtimoiy 
guruhga mansub fuqarolarga siyosiy partiyalar orqali parlamentda o’z 
manfaatlarini himoya qilishga imkon yaratadi; 

---

444