Harakatli o‘yinlar

6. «Sakrash elementlari bilan estafeta» o‘yini.

O‘yinchilar 2-3 komandaga bo‘linadilar. Har bir komanda o‘yinchilari bir kishilik kolonnalarda turadi. O‘qituvchining signali bilan birinchi turgan o‘yinchilar belgilab qo‘yilgan joyga bir oyoqda sakrab boradilar va orqaga qaytib kelib, estafeta tayoqchasini ikkinchi o‘yinchilar birinchi o‘yinchilarning bajargan ishlarini qaytaradilar va xokozo. Estafetani birinchi bo‘lib tugatgan komanda g‘olib hisoblanadi.

7. «Xo‘rozlar jangi» o‘yini (31-rasm).

Maydoncha yoki zalning o‘rtasiga deametri 3-4 m keladigan doira chiziladi. O‘yinchilar ikki komandaga bo‘linib, doira atrofida bir-biriga qarama-qarshi ikki qatorli sherengada turadilar. Har bir komandadan bittadan kapitan saylanadi va ulardan har qaysisidan bittadan «xo‘rozni» doira o‘rtasiga taklif qilishadi. «Xo‘rozlar» bir oyoqda qo‘llarini orqasiga quyib turadilar. O‘qituvchining signalidan so‘ng «xo‘rozlar» bir oyoqlab sakrab, elka bilan bir-birlarini doiradan chiqarib yuborishga yoki sherengani ikki oyoqda turishga majbur qilishga urinadilar. G‘olib chiqqan o‘yinchi o‘z komandasiga bir ochko keltiradi. So‘ng doira o‘rtasiga keyingi juft «xo‘rozlar» chiqadi va xokozo. Hamma o‘yinchilar «xo‘roz» rolida o‘rtaga tushib bo‘lgunlaricha o‘yin davom etadi. Ko‘proq ochko olgan komanda o‘yinda g‘olib chiqadi.