Hamda mudofaa vazirligi buxoro davlat universiteti

Jismoniy tayyorgarlik tadbirlarini rejalashtirish

Jismoniy tayyorgarlik tadbirlarini rejalashtirish amallari o‘quv va jangovar vazifalar ijrosi inobatga olingan tarzda jismoniy tayyorgarlik dasturi o‘zlashtirilishini ta’minlashini, ushbu tayyorgarlikka ajratilgan soatlar miqdori to‘la-to‘kis o‘tkazilishini ta’minlashi shart.

Jismoniy tayyorgarlikka oid o‘quv mashg‘ulotlari quyidagicha rejalashtiriladi:

• 
  safarbarlik chaqiruvi rezervi xizmatchilari uchun – haftada 2 soat, o‘quv vaqtida;
  
• 
  muddatli harbiy xizmatchilar uchun – haftada 2 soat, o‘quv vaqtida;
  
• 
  oliy harbiy ta’lim muassasalari (hujjat matni davomida – OHTM, deb yuritiladi) va serjantlar tayyorlash maktablari (hujjat matni davomida – STM, deb yuritiladi) kursantlari hamda Qurolli Kuchlar Akademiyasi tinglovchilari uchun –haftada 3 soat. Undan 2 soat o‘quv mashg‘ulotlari jadvali bo‘yicha, 1 soat mustaqil tayyorgarlik davomida;
  
• 
  ofitserlar, serjantlar va oddiy askarlar tarkibiga mansub shartnoma bo‘yicha harbiy xizmatchilar uchun – haftada 3 soat (2-3 marotaba o‘tkaziladigan mashg‘ulotlar davomida).
  

Ertalabki badantarbiya bayram va dam olish kunlaridan tashqari, har kuni ertalab 50 daqiqa, safarbarlik chaqiruvi rezervi xizmatchilari uchun esa 30 daqiqa davomida o‘tkaziladi.

Ommaviy-sport ishlari harbiy qism va OHTMda haftada 3 marotaba, xususan: ish kuni, mashg‘ulotlardan bo‘sh soatlar davomida har biri 1 soatdan 2 marotaba, bayram yoki dam olish kuni bir marotaba 2 soat davomida o‘tkaziladi.