Hamda mudofaa vazirligi buxoro davlat universiteti

O‘ZBEKISTON RESPUBLIKASI OLIY VA O‘RTA

MAXSUS TA’LIM VAZIRLIGI

HAMDA MUDOFAA VAZIRLIGI

BUXORO DAVLAT UNIVERSITETI

HARBIY TA’LIM FAKULTETI

USLUBIY TAYYORGARLIK SIKLINING

«CHAQIRUVGA QADAR BOSHLANG‘ICH TAYYORGARLIKNI TASHKIL ETISH VA UNING METODIKASI» FANIDAN

MA’RUZALAR MATNI

3-kurs 5,6-semestr uchun

Bilim sohasi: 100000 – ta’lim

Ta’lim sohasi: 14000

Bakalavriyat yo‘nalishi: 5111500 - CHHT

Buxoro shahri.

Annotatsiya

CHQBT ni tashkillash va uslubiyoti fani talabalarni CHQBT o‘qituvchisi lavozimiga tayyorlash bo‘yicha maxsus fanlardan biri hisoblanadi. Ushbu fanga 80 soat ajratilgan bo‘lib, undan 12 soat ma’ruza, 20 soat seminar, 48 soat amaliy mashg‘ulotlarga ajratilgan.

Ushbu fan O‘zbekiston Respublikasining «Umumharbiy majburiyat va harbiy xizmat to‘g‘risida” gi konunining talablarini, O‘zbekiston Respublikasi CHQBT nizomi to‘g‘risida hamda O‘zbekiston Respublikasi MV buyrug‘i va ko‘rsatmalarini, O‘zbekiston Respublikasi OO‘MTV ning CHQBT bo‘limlari bo‘yicha o‘quv muassasalarida mashg‘ulotlarni, 3 kunlik o‘quv dala mashg‘ulotlarini (yig‘inlarni), sog‘lomlashtirish sport lagerlarida mashg‘ulotlarni tashkillash masalalari, CHQBT o‘qituvchisining huquq va majburiyatlari, o‘quvchilar tamonidan CHQBT dasturi bo‘yicha bilimlarini o‘zlashtirishni baholash talablari, ta’lim muassasalarida CHQBT ning ahvoli, tuman mudofa ishlari bo‘limi, harbiy qism, korxona, urush va mehnat faxriylari, haqiqiy harbiy hizmatdan rezervga bo‘shagan askarlar bilan uchrashish kabi masalalarni o‘z ichiga oladi. CHQBT uslubiyotini o‘rganish uzluksiz jarayon bo‘lib, 4-bosqichda 7-8 semestr davomida o‘tiladi va bitiruv hamda davlat imtixonlarini topshirish bilan yakunlanadi.4-kurs talabalari ped amaliyot jarayonida olgan bilimlaridan foydalangan holda kurs ishini bajaradilar.

Ushbu dastur o‘z ichiga har-bir o‘qiladigan mavzu bo‘yicha saot taqsimoti, har bir mashg‘ulotning mazmuni, uslubiy ko‘rsatma va tavsiyalar, hamda talabalar o‘rganish uchun zarur bo‘lgan tavsiya etiladigan adabiyotlardan iborat.

Bundan tashqari ushbu dastur talabalarga CHQBT gi bo‘yicha mashg‘ulot o‘tish shakl va usullarini sifatli o‘zlashtirishga, o‘quv muassasalarida o‘kuv jarayonini tashkillash bo‘yicha zarur amaliy ko‘nikmalarni olishga va texnik vositalardan CHQBT darslarida to‘g‘ri va mohirona foydalanishga o‘rganishda yordam beradi.