Hamda mudofaa vazirligi buxoro davlat universiteti

Jismoniy tayyorgarlik ustidan nazorat tegishli komandirlar (boshliqlar), jismoniy tayyorgarlik va sport boshliqlari va boshqa mansabdor shaxslar tomonidan olib boriladi. Ushbu nazorat shaxsiy tarkibning jismoniy tayyorgarlik darajasini o‘rganib borib, yanada yaxshilashga yo‘naltirilgan bo‘lishi lozim.

Jismoniy tayyorgarlik ustidan olib boriladigan nazorat davomida bir qator mezonlar tekshiriladi, tahlil qilinadi va ularga baho beriladi. Ushbu mezonlar jumlasiga:

jismoniy tayyorgarlikka rahbarlik qilish amallarining sifati;

jismoniy tayyorgarlik mashg‘ulotlarini o‘tkazayotgan harbiy xizmatchilarning uslubiy tayyorgarlik saviyasi;

harbiy xizmatchilarning jismoniy tayyorgarlik saviyasi kiradi.

Jismoniy tayyorgarlik bo‘yicha nazorat-tekshiruv mashg‘ulotlari tegishli komandirning (boshliqning) buyrug‘i yoki rejasiga asosan o‘tkaziladi.

Jismoniy tayyorgarlik hisobi, ushbu tayyorgarlik turining holatini to‘la-to‘kis aks ettirishi lozim. Jismoniy hisobi:

• 
  birlashma, qo‘shilma, harbiy qism va muassasa miqyosida – komandirning (boshliqning) jangovar tayyorgarlik bo‘yicha o‘rinbosari*, jismoniy tayyorgarlik va sport boshlig‘i (shtatdan tashqari jismoniy tayyorgarlik va sport boshlig‘i) tomonidan (*shtatda bunday o‘rinbosar bo‘lishi ko‘zda tutilmagan bo‘lsa – shtab boshlig‘i tomonidan);
  
• 
  batalon miqyosida – batalon komandirining jangovar tayyorgarlik bo‘yicha o‘rinbosari tomonidan (kursantlar batalonida batalon komandirining tarbiyaviy ishlar bo‘yicha o‘rinbosari tomonidan);
  
• 
  vzvod miqyosida – vzvod komandiri tomonidan;
  
• 
  guruh miqyosida – guruh komandiri tomonidan olib boriladi.
  

Jismoniy tayyorgarlik hisobini yuritish tartibi va shakllari mazkur Qo‘llanmaning 7- ilovasida bayon etilgan.