Hamda mudofaa vazirligi buxoro davlat universiteti

Jismoniy tayyorgarlik tadbirlarining ta’minoti

Jismoniy tayyorgarlik tadbirlarining ta’minoti mazmunan, jismoniy tayyorgarlikka oid o‘quv-moddiy bazani yaratish, takomillashtirish va undan samarali foydalanish, jismoniy tayyorgarlikning moddiy-texnik, moliyaviy, tibbiy va uslubiy ta’minotini o‘z vaqtida amalga oshirish, mashg‘ulot rahbarlarini sifatli tayyorlashga yo‘naltirilgan tadbirlarni tashkillashtirish va amalga oshirishdan iborat.

Jismoniy tayyorgarlik tadbirlarining moddiy-texnik ta’minoti o‘z ichiga:

• 
  sport anjomlari, trenajyorlari, sportga oid mol-mulk, maxsus texnika va moslamalar bilan ta’minlash;
  
• 
  jismoniy tayyorgarlik mashg‘ulotlarini o‘tkazish manfaatlarida mazkur Qo‘llanmaning 2- ilovasida keltirilgan taxminiy ro‘yxatga muvofiq sport inshootlarini qurish, jismoniy tayyorgarlik bilan shug‘ullanish joylarini sport anjomlari bilan jihozlash;
  
• 
  sport inshootlari, jismoniy tayyorgarlik bilan shug‘ullanadigan joylar, sport jihozlari, anjom-aslahalari, buyumlari, apparatlari va trenajyorlarini talab darajasida saqlab borish;
  
• 
  o‘quv-moddiy bazaning olib yuriladigan vzvod komplektini har bir vzvodda butlash (mazkur Qo‘llanmaning 3- ilovasi) tadbirlarini mujassam etadi.
  

Jismoniy tayyorgarlik va sportga oid o‘quv-moddiy baza (O‘MB) ob’ektlaridan to‘g‘ri foydalanish, talab darajasida saqlash va o‘z vaqtida ta’mirdan chiqarib borish maqsadlarida har bir ob’yekt harbiy qism komandirining (OHTM boshlig‘ining) buyrug‘i bilan bo‘linmalar orasida taqsimlanib, biriktiriladi.

Jismoniy tayyorgarlik ob’yektlarini qurish va ta’mirdan chiqarish tadbirlari O‘zbekiston Respublikasi Mudofaa vazirligi tomonidan belgilangan tartibda amalga oshiriladi.