Halq xo’jaligi tarmoqlarida qutqaruv va kechiktirib bo’lmas ishlarni olib borish. Fuqaro himoyasi va terrorizm

3.Kimyoviy shikastlangan o'choqda QTBI.

Kimyoviy shikastlangan o'choqda qutqaruv ishlari o'ziga xos ravishda olib boriladi. Bu holatda birinchi navbatda ogohlantirish belgisi «Kimyoviy trevoga» berilib, darhol o'sha joyga radiatsiya, kimyoviy va tibbiy razvedka bo'limlari yuboriladi. Ular shikastlangan joyni, vaqtni, qo'llanilgan qurol (yoki zaharli moddalar - KTZM) turini, hudud va ob‘yektning zaharlanganlik darajasi va ko'lamini, ZM tarkalish yo'nalishini, hudud chegarasini aylanib o'tish hamda hududdan chiqishning eng xavfsiz yo'nalishlarini aniqlab beradilar. Kimyoviy zararlangan hududda suv, tuproq, havo va boshqa tashqi muhit ob'eklaridan namunalar olib, tahlil uchun laboratoriyaga yuoradilar, o'chog'dagi odamlar holatini baholaydilar.

Olingan ma'lumotlarga asoslanib zararlangan hudud va ob‘yekt fuqaro himoyasi boshlig'i qaror qabul qilib, qutqaruv omillarini hamda kimyoviy zararlanishni to'sish omillarini tashkil etadi. Kuchli ta'sir etuvchi zaharli moddalarning hududga yoki atmosferaga tarqalayotganligi aniqlanishi bilanoq ob'ekt ishchi va xizmatchilari hamda yaqin-atrofda yashovchi aholiga xavf haqida xabar beriladi. Avariya haqidagi xabarni eshitgan aholi darhol nafas olish yo'llarini himoya qilish niqoblarini hamda tYerini himoya qiluvchi eng oddiy kiyim (plash, yoping'ich)larni kiyib olishlari kerak. Uyda bo'lgan aholi deraza va darchalarni mahkamlab yopishi, yashash joyiga tashqaridan havo kirmaydigan qilib berkitishi, elektr isitgich asboblari, gaz o'choqlari va boshqa yonayotgan asbob-uskunalarni o'chirish kerak.