Halq xo’jaligi tarmoqlarida qutqaruv va kechiktirib bo’lmas ishlarni olib borish. Fuqaro himoyasi va terrorizm

4- ma'ruza

Halq xo’jaligi tarmoqlarida qutqaruv va kechiktirib bo’lmas ishlarni olib borish.

Fuqaro himoyasi va terrorizm.

1. Qutqaruv va birlamchi tiklov ishlarining tashkiliy asoslari.

Ma'lumki, dushman tomonidan qo'llaniladigan ommaviy qirg'in qurollarining oqibatlari turli xil darajada bo'ladi. Albatta, talafot darajasi ishlatilgan qurol turiga, uning qo'llanilish miqyosiga bog'liq. Mana shunday yadroviy, kimyoviy, biologik va kombinatsiyalashgan shikastlangan o'choqlarda qutqaruv va tiklash ishlarini (QBTI) amalga oshirish juda murakkab ahvolda ro'y beradi, sababi bunday paytda hamma inshootlar deyarli shikastlangan, yongan, yiqilgan, suv bosgan, atmosfera hamda barcha yerlar zararlangan va shunga o'xshash boshqa noxush holatlar kuzatilgan bo'ladi.

Xuddi shunga o'xshash holatlar (favqulodda vaziyat) tinchlik davrida ham (tabiiy ofatlar, ishlab chiqarish avariyalari, fojialar oqibatida) kuzatilishi mumkin. Shu sababdan fuqaro himoyasining eng asosiy vazifalaridan biri, harbiy holatlarda va tinchlik davrlaridagi favqulodda vaziyatlarda shikastlangan o'choqlarda QBTIni amalga oshirish xisoblanadi.