Халқаро туризм

Туристик автофургонлар
узунлиги одатда 6 метр, эни эса 2,20 метрдан 
ошмайди. Унинг оғирлиги 500 дан 1000 кг. гача келади. Тўғри, жуда катта ва 
оғирликка эга бўлган бошқа намуналари ҳам мавжуд. Шинамлиги жиҳатидан 
бу тураржойлар замонавий дала ҳовли-дачаларидан қолишмайди. Уларда ухлаш 
хонаси, ошхона, газ плитаси, совутгич ҳожатхона ва душ бор. Жойлаштириш 
воситаларининг дачалардан афзаллиги шундаки, уларда саёҳат қилиш мумкин. 
Улар эркин ҳаракатланишга имкон беради. Туристларни жадвалга қараб жамоат 
транспорти келишини кутишларига ҳожат қолдирмайди. Инфраструктура яхши 
ривожланган мамлакатларга ҳам бемалол боради. Туристлар лиқ тўла ва 
қиммат отеллардан жой қидирмайди, шунингдек йирик халқаро тадбирлар 
ўтказилаётганда (бутун жаҳон кўргазмаси, Олимпия уйинлари кабиларда) 
тураржой муаммосини ҳал этади. 
Автофурган харид қилиш катта маблағ талаб қилади. Масалан, 
Францияда у камида 200-225 минг франк туради. Уни сотиб олишга фақат 
бадавлат кишиларнигина қурби етади. Луи Харрис институти тадқиқотларига 
кўра бу мамлакатда автофурганларнинг кўпчилик эгалари ёш бўлмаган Эри 
хотинлардир. Чунки улар жамғармаларига эга. Саёҳат учун бўш вақтлари бор, 
табиат қўйнида баҳра олиш, тарихий-маданий ёдгорликларни томоша қилиш, 
замонавий провинциялар ҳаёти билан танишишни хоҳлайдилар. Кейинги 
йилларда жойлашишнинг ҳаракатланувчи воситаларидан фойдаланувчилар 
бозори сезиларли кенгайган бўлса, бу аввало туристик автофурганларни 
прокатга бериш тизими шарофати биландир. Автотуризмнинг бу хил кўриниши 
ҳамон жамиятнинг яхши таъминланган қатламлари учунгина мумкин бўлиб 
қолаяпти. 
Жойлашиш воситаларининг кейинги бошқа коллектив гуруҳларини 
туристик ётоқхоналар,
ёшлар меҳмонхоналари, мактаб ва талабалар 
ётоқхоналари, қариялар дам олиш уйлари ва шуларга ўхшаш ижтимоий 
аҳамиятга эга бинолар ташкил қилади.