Халқаро олди-сотди шартномаларини бажарилиши

11.5. Суғурта ҳужжатлари.

Суғуртачи ва суғурталанувчи орасидаги ўзаро алоқани акс этади. Суғуртачининг бурчи суғурта пулини тўлаш эмас, балки сугурталанувчининг турли бахтсиз ҳодисалардан кўрган зарарини қоплашдир. Суғурта ҳужжатларига қуйидагилар киради.

Суғурта полиси – суғурта шартномасини тасдиқловчи ва шартнома шартларини ўз ичига олган суғуртачи томонидан бериладиган ҳужжат бўлиб, суғуртачи суғурталанувчига конкрет тўловга асосан бахтсиз ҳодиса туфайли кўрган зарарини қоплаш мажбуриятини ўз зиммасига олади. Суғурта полиси суғурта жамияти томонидан суғурталанувчига у томонидан суғурта мукофоти тўлангандан кейин берилади.
Суғурта полиси суғуртани расмийлаштириш тартибига кўра бир неча хил булади ва ҳар хил номланади. Рейсли полисга кўра суғурталанувчи объект маълум вақт даврига суғурталанади.
Рейсли суғурта полиси товар жўнатиладиган портда суғуртачи ва суғурталанувчи ёки экспедитори томонидан имзоланиб суғурта жамияти бланкларида расмийлаштирилади. Рейсли полис қуйидаги асосий маълумотларни ўз ичига олади: суғурталанувчи номи, суғурта шартлари; суғурта суммаси миқдори (суғурталанган товарнинг сони ёки шикастланганида суғуртачи томонидан қопланадиган миқдор); суғурта мукофоти миқдори - суғуртачи томонидан суғурталаниш учун тўлов сифатида тўланади.
Бош (Генеральнўй) полис – суғуртачи ва суғурталанувчи томонидан узоқ муддатга тузиладиган шартнома. Унда шартнома муддати, суғуртачи жавобгарлиги ҳажми ва чегараси, суғурта мукофоти тўлов муддати ва бошқа махсус шартлар кўрсатилади.
Аралаш полисда объект маълум бир рейсга ёки маълум муддатга суғурта қилинади.
Суғурта сертификати – суғурта жамияти томонидан бериладиган ҳужжат бўлиб, суғурта бўлганлигини ва суғурта полиси берилганлигини белгилайди.
Муайян юкка берилган бундай сертификат асосан бош(генерал) полис ёки валюталанмаган полис шартларига кўра суғурталанган товарларга ишлатилади.
Суғуртачининг талабига кўра сертификат суғурта полисига алмаштирилиши мумкин, чунки кўп давлатларда қонунда суғурта ҳужжати сифатида фақат суғурта полиси тан олинади.