Халқаро олди-сотди шартномаларини бажарилиши

Халқаро олди-сотди шартномаларини бажарилиши.


11.1. Товар (маҳсулот)ни жўнатишга тайёрлаш.
11.2. Тижорат битимини расмийлаштириш учун керакли
бўлган ташқи савдо ҳужжатлари.
11.3. Товарни жўнатиш учун тайёрлаш ҳужжатлари.
11.4. Тижорат ҳужжатлари.
11.5. Суғурта ҳужжатлари.
11.6. Транспорт ҳужжатлари.
11.7. Божхона ҳужжатлари.


11.1. Товарни жўнатишга тайёрлаш.

Олди-сотди шартномаларини (келишувларининг) ижро этиш учун, томонлар ўз зиммаларига олган мажбуриятларни бажариши яъни: сотувчи томонидан шартнома (келишув) предмети бўлмиш товарни харидорга етказиб беришдан, харидор томонидан товарни белгиланган нархини тўлашдан иборатдир.

У мажбуриятларини бажариши учун, сотувчи товарни жўнатиш учун тайёрлаши, керакли ҳужжатларни йиғиб харидорга етказиб бериши ва маҳсулот учун тўловларни қабул қилиши, тайёргарлик ишларини ниҳоясига етказиши шарт. Агар келишувда машиналар ва ҳар хил асбоб-ускуналар, жиҳозлар етказиб бериш мажбурияти бўлган ҳолда шартнома (келишув)га, етказиб берган товар ни техник хизмат кўрсатишни ҳам ҳисобга олиш керак.
Товарни жўнатишга тайёрлаш сотувчи томонидан маълум талабларни бажарилиши яъни, товарни қадоқланишига ва тамғалашга талабларни, товарлар етказиб берилаётган давлат божхона талабларини ҳам ҳисобга олиш керак.
Бу талаблар хилма-хилдир ва ҳар хил давлатлар транспорт турлари , ҳар хил товарлари учун ўзига хос хусусиятлари бор.
Маҳсулотни қадоқлаш талаблари.
Товарни ишлаб чиқарувчидан сотувчига етказиб беришда маҳсулотни қадоқлашга аниқ талаблар асосидагина, тўгри ва рационал қадоқлаш мумкин.
Бунда маҳсулотнинг хусусиятлари, масалан, маҳсулотнинг ҳолати, ташқи кўриниши, ранги, вазни, миқдори, физикавий ва кимёвий таъсирга алоқасини ҳисобга олиш керак. Шу сабабли қадоқлашга қуйидаги талаблар қўйилади: қадоқни ташқи кўриниши, товарни хусусиятига жавоб бериши, маҳсулот қадоги унинг етказиб бериш жараёнида маҳсулотни юклаш ва тушириш ишларини ҳисобга олган ҳолда бутунлигича сақланишига жавоб бериш керак.