Халқаро олди-сотди шартномаларини бажарилиши

Тамғалашга оид талаблар.
Тамғалаш деб - маҳсулотда, унинг қадоғида, биркасидаги керакли ёзувлар, кўринишлар, шартли белгилар тушунилади.
Маҳсулот тамғаси қуйидагилардан иборат бўлиши керак:
Юк олувчи учун керакли бўлган зарур белгилар.
Транспорт ташкилоти учун зарур бўлган маълумотлар. Улар юк тамғаси деб аталади:
юк ташиш вақтидаги зарур белгилар;
юк ташиш давомида керакли шартли белгилар;
тамғада товар ишлаб чиқарилган мамлакат кўрсатилиши ва божхона талабларига жавоб бериши шарт.


11.2. Тижорат битимини расмийлаштириш учун керакли
бўлган ташқи савдо ҳужжатлари.

Ташки савдо битимини бажарилишини тасдиқловчи, яъни, маҳсулотни сотувчига етказиб бериш, транспортда ташиш, суғурта қилиш, омборда сақлаш, божхонадан ўтказиш кабилар ташқи савдо ҳужжатлари деб аталади.

Бажариладиган ишлар функциясига қараб ташқи савдо ҳужжатларини қуйидаги гуруҳларга бўлиш мумкин:
экспортга мўлжалланган товарларни ишлаб чиқаришни таъминлаш учун ҳужжатлар;
сотиб олиш учун топшириқ - махсулот ишлаб чиқаришга керакли бўлган материал ва буюмларни сотиб олиш учун корхонада бериладиган ҳужжат;
ишлаб чикариш йўрикномаси – маҳсулотни буюртмага асосан сотиш ёки ишлаб чиқаришга мўлжалланган ҳужжат.
омбордан олиб чиқиш учун наряд - корхонада берилади ва буюртмачи томонидан буюртирилган товарларни омбордан олиб чиқиш учун рухсат ҳужжати;
фактура жадвали - корхонада бериладиган маҳсулотнинг сотилиши туғрисидаги маълумот берувчи ва тижорат ҳисоботи учун асос бўлувчи ҳужжат.
қадоклаш буйича йўрикнома - корхонада бериладиган товарни қадоқлаш бўйича маълумот йиғиндиси;
корхонада транспорт ишлари наряди - корхонада маҳсулотни транспортда ташиш йўрикномаси;
статистика ва ички маъмурият тўғрисидаги ҳужжатлар, корхонада ишлаб чиқариш бўйича статистик маълумотларни йиғиш ва бошқа маъмурий вазифалар учун қўлланилади.