Халқаро компания ва тмк тушунчаси, уларни бошқариш тизими

ХАЛҚАРО КОМПАНИЯ ВА ТМК ТУШУНЧАСИ, УЛАРНИ БОШҚАРИШ ТИЗИМИ

Халқаро компаниялар - бу миллий капитални бошқа давлатларга тадбиркорлик фаолиятини амалга ошириш мақсадида олиб чикувчи ташкилотлардир. Замонавий халқаро компанияларнинг кўпчилик кисми трансмиллий корпорацияларни, ташкилий шакли бўйича эса концернларни ифода этади. Улар илгариги турли давлатлар капиталининг оддий бирлашуви ва иштирокчилари ўз капиталларининг мулкдори бўлиб колган картеллар, синдикатлар, трестлардан маълум даражада фарқланади. Уларга тескари холда ХХ асрнинг типик концерни-бу одатда турли тармоқлар ва худудлар бўйича диверсификацияланган капиталнинг ягона мулкдори. Замонавий халқаро компаниялар трансмиллий, яъни ўз миллатига эга бўлган ёки кўпмиллатли булиши мумкин.
Кўп миллатли компанияларда хар хил миллатлар капиталларининг бирлашуви вужудга келади. Биринчи кўп миллатли компания “Юнилевер” 1929 йили “Маргарин Юни” (Дания) ва “Левер Бразерз” (Буюк Британия) фирмаларининг бирлашиши натижасида вужудга келди. Шу даврдан бошлаб у деярли 60та давлатда 500дан ортиқ хорижий филиаллари бўлган энг йирик халқаро компаниялардан бири даражасигача усиб кетди. “Юнилевер” компанияси иккита штаб-квартирага эга - бири Лондонда, бошқаси - Роттердамда жойлашган.

Миллий компаниянинг халқаро компания статусига утиш эволюцияси

Миллий компанияларнинг халқаро компаниялар статусига утиши учун учта асосий стимулни ажратиб кўрсатиш мумкин:
Товарооборотнинг ва шу билан бирга даромаднинг ўсиши. Бунда компания ишлаб чиқариш қувватларини кучайтириш ва масштаб эффектини ишлатиш имкониятига эга. Бундан ташқари у таваккални камайтириш учун хорижий хамкорлар билан бўлган алокалардан фойдаланиши мумкин.
Қабул килаётган давлатда хомашё ва ишчи кучининг нисбатан арзонлиги ҳисобига ишлаб чиқариш ва сотиш харажатларини камайиши.
Импортерлар учун ўзоқ муддатли шартномалар яхши маълум бўлган ва ўзини яхши томондан тавсия килган товарлар ва хизматлар етказиб берилиши барқарорлигини таъминлайди.
Қабул килаётган мамлакатнинг саноати, молия-кредит тизими, савдо каналлари ва инфраструктурасидан фойдаланиш.