Халқаро иқтисодий алоқалар-валюта муносабатларининг асоси сифатида. Валюта тизими ва унинг асосий элементлари

Бозор котировкаси талаб ва таклиф асосида нобиржавий валюта бозорида амалга оширилади.
Қаттиқ валюта чеклашлари мавжуд мамлакатларда бозор котировкаси деярли мавжуд эмас. Ҳамма операциялар расмий курс бўйича амалга ошади. Валюта чеклашлари деярли йўқ (сезиларсиз) ёки йўқ мамлакатларда бозор курсини бир-бири билан доимий мулоқотда бўлган йирик тижорат банклари ўрнатади. Бу банкларни маркет-мейкерлари деб атайдилар. Бошқа банклар катировка юзасидан уларга мурожаат қилишади. Банклараро валюта катировкалари маркет - мейкерлар томонидан ҳар бир валюта бўйича мавжуд бўлган ёки кутилаётган талаб ва таклифни таққослаш (бу операция амалиётда фиксинг деб аталади) асосида белгиланади.
Валюта биржаси йўқ давлатларда валюта бозори катнашчилари банклараро курслардан фойдаланашади. Банклараро бозордаги ўртача курс банк мижозлари учун валюта курсини ўрнатишнинг асоси бўлиб хизмат қилади. Валюта биржалари мавжуд давлатларда банклараро катировкалар банкларнинг тўлов айланиши, тўловга лаёкатлилигини ҳисобга олган ҳолда, расмий биржа катеровкалари атрофида ўзгариб туриши мумкин. Бундай банкларда расмий биржа катеровкаси уларнинг мижозлари учун валюта курсларининг асоси бўлиб хизмат қилади. Эркин валюта бозорида унинг ҳар бир элементлари (биржадаги ва биржадан ташқаридаги) бир-бирига таъсир этади ва улардаги валюта котировкалари ўзаро боғлиқ бўлади.
Валюта бозорида валютани катеровка қилишнинг икки усули мавжуд: тўғри ва эгри. Кўпчилик давлатларда тўғри курс қўлланилади. Бу усулнинг моҳияти шундаки, хорижий валюта бирлигининг курси тўғридан-тўғри миллий валютада ифодаланади. Эгри котировкада миллий валюта бирлиги маълум миқдордаги хорижий валютада ифодаланади. Бу усул (эгри катеровка) Буюк Британияда, 1987 йилдан эса қисман АҚШда қўлланилади. Банклараро валюта бозорларида валюта курсининг катеровкаси кўпроқ АҚШ долларига нисбатан белгиланади. Бу хол долларнинг халқаро тўловларда кўп қўлланилиши ва резерв воситаси сифатида сакланиши билан боғлиқ. Савдо-саноат соҳасида фаолият олиб борувчи мижозлар учун валюта котировкалари амалга ошириш кросс-курсга асосланади.