Халқ таълими олдида турган асосий вазифалардан бири ёшларни ақлий, ахлоқий жиҳатдан баркамол шахс қилиб шакллантиришдир

Битирув малакавий ишнинг методологик асоси бўлиб, аввало «Соғлом авлод» давлат Дастури, «Таълим тўғрисидаги Қонун» ҳамда Ўзбекистон Республикасида «Кадрлар тайёрлашнинг миллий Дастури» ғоялари, “Ёшлар йили”, “Баркамол авлод йили” давлат дастурлари, Президентимиз И.А Каримовнинг маънавий ва ижтимоий ҳаётни эркинлаштириш, маънавий-маърифий ислоҳотларни чуқурлаштириш, миллий ғоя ва мустақиллик мафкураси мазмунини ташкил этган фикр ва ғоялари ташкил қилади. Бундан ташқари, Б.Ф.Ломовнинг фаолиятни таҳлил этиш назарияси, П.Я.Гальперин, Н.Ф.Тализиналарнинг ўқув фаолиятини босқичли шакллантириш, Л.И.Божовичнинг ўқув фаолияти мотивлари (В). Я. Ляудис, Л.В.Занковнинг ўқитиш мазмунини тезлаштириш ва мураккаблаштириш, Д.Б.Эльконин, В.В.Давидовларнинг назарий умумлаштириш ва рефлекция, Т.В.Кудявцев, А.М.Матюшкин ва бошқаларнинг муаммоли вазиятни ташкил қилиш, Ўзбекистон психологларининг муаммо бўйича ишлаб чиққан назарий ёндашувлари (М. Давлетшин, Э.Ғозиев, В.Каримова, В.А.Токарева, Б.Қодиров, Р.Суннатова, Э.З.Усмонова, М.Абдуллажонова ва бошқалар) ҳам хизмат қилди.
Битирув малакавий иш мавзусининг илмий янгилиги.
Битирув малакавий ишда билим олишга бўлган эҳтиёжнинг ривожланишида рол ўйновчи психологик омиллар ўрганилди.
Битирув малакавий ишнинг мақсад ва вазифалари.
Таълим жараёнида билим олишга бўлган эҳтиёжнинг ривожланишида рол ўйновчи психологик омилларни ўрганиш тадқиқотнинг асосий мақсади бўлиб хизмат қилади.
Тадқиқот мақсадини амалга ошириш учун қуйидаги вазифалар белгиланди:
1. Шарқ мутафаккирларининг шахс тараққиётида билимнинг ўрни борасидаги қарашларини ўрганиш.
2. Психолог олимларнинг билим олиш фаолиятидаги омиллар бўйича фикрларини таҳлил қилиш.

3. 
   Ўқув мотивларини билим олишни таъминловчи омил сифатида тадқиқ этиш.
   
4. 
   Ўқувчи ёшларнинг ўқув предметларига бўлган қизиқишлари, қизиқишнинг юзага келишига таъсир этувчи омилларини ўрганиш.
   
5. 
   Ўқувчи ёшларнинг мактабдан ташқариқизиқишлари ва бу қизиқишларнинг юзага келишига таъсир этувчи омилларни ўрганиш.