Халқ таълими ходимлари асосий лавозимларининг малака тавсифлари

89-§. Мактабгача таълим муассасалари ходимларини қайта тайѐрлаш
ва уларнинг малакасини ошириш Республика ўқув-методика маркази
бўлим бошлиғи лавозимининг малака тавсифлари 
 
Тартиб рақами 
1926 
Машғулотларнинг миллий стандарт 
классификатори бўйича коди 
1229 
Ходимлар тоифаси 
Бошқарув
277. Лавозим вазифалари: 
а) бўлимга умумий раҳбарлик қилиш ва бўлим ишларини режалаштириш ҳамда унинг 
бажарилишини назорат қилиш; 
б) бўлим ходимлари ўртасида вазифаларни тақсимлаш, меҳнат интизомига риоя 
этилишини назорат қилиш; 
в) бўлим ходимларини малакасини ошириш юзасидан таълимдаги янгиликлар билан 
таништириб бориш ва ўқитишнинг илғор педагогик технологияларга оид давра суҳбатлари 
уюштириш; 
г) қайта нашр этиладиган, янгидан яратилган ўқув-методик қўлланмаларни 
экспертизадан ўтказиш ишларини ташкил қилиш ва нашрга тайѐрлаш; 
д) илғор педагогларни тажрибаларига оид материалларни илмий-методик кенгашда 
муҳокама қилишга тайѐрлаш ва уни оммалаштириш; 
е) педагог ходимларнинг узлуксиз малака оширишида “Маҳорат мактаби” ва “Устоз-
шогирд” анъаналарини қўллашда амалий-методик ѐрдам бериш; 
ж) мактабгача таълимга қўйилган давлат талаблари асосида болаларнинг билимини 
аниқлаш бўйича назорат ишларини тайѐрлаш, мониторингини амалга ошириш ва аниқланган 
бўшлиқларни бартараф этишга оид тавсиялар ишлаб чиқиш; 
и) мактабгача таълим муассасалари фаолиятни ташкил этишда методик ѐрдам бериш 
ва натижаларини умумлаштиришга раҳбарлик қилиш; 
к) ўқув жараѐнида илғор тажрибаларни қўллаш бўйича хорижий мамлакатлар 
амалиѐтини ўрганиш ва уларни амалиѐтда қўллаш бўйича таклифлар тайѐрлаш; 
л) халқ таълими ходимларини қайта тайѐрлаш ва уларнинг малакасини ошириш 
институт (марказ)лари билан ҳамкорлик ишларини амалга оширишга раҳбарлик қилиш; 
м) қайта тайѐрлаш ва малака оширишнинг илмий, методик ва амалий муаммоларини 
аниқлаш ҳамда уларни ҳал этиш юзасидан тажриба-синов ишларини ташкил этиш; 
н) ўқув фани бўйича қайта тайѐрлаш ва малака ошириш сифати ва самарадорлигини 
оширишни ташкил этиш; 
о) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидалари талабларига риоя қилиш. 
278. Билиши лозим: 
а) мактабгача таълимга оид ва болалар ҳуқуқларини тартибга солувчи амалдаги 
норматив-ҳуқуқий ҳужжатларни; 
б) психология-педагогика фани ютуқларини ва уни ҳаѐтга татбиқ этиш йўлларини; 
в) методик ишларни ташкил этиш ва самарадорлигини ошириш усулларини; 
г) кадрларни танлаш ва жой-жойига қўйиш усулларини, уларнинг малакасини ошириш 
ва қайта тайѐрлаш тартибини; 
д) давлат таълим стандартлари, ўқув режа, ўқув дастури ва бошқа ўқув-методик 
ҳужжатларнинг мазмуни ҳамда ўқув жараѐнига татбиқ этиш йўлларини; 

---

119 
е) машғулот ва дарсларни таҳлил қилиш, уларни тўғри ташкил этиш бўйича амалий 
ѐрдам бериш шаклларини; 
ж) педагог ходимларни қайта тайѐрлаш ва уларнинг малакасини оширишга қўйиладиган 
давлат талабларини; 
з) жамоада соғлом маънавий муҳитни шакллантириш усулларини; 
и) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
279. Малака талаблари: 
а) ўз йўналиши бўйича камида магистр даражасидаги олий маълумот; 
б) хорижий тиллардан бирининг бошланғич босқичини ва ахборот-коммуникация 
технологияларидан фойдаланишни билиши; 
в) беш йилдан кам бўлмаган педагогик иш стажи.