Халқ таълими ходимлари асосий лавозимларининг малака тавсифлари

116-§. Бошқарма бошлиғи ўринбосари
лавозимининг малака тавсифлари 
Тартиб рақами 
948 
Машғулотларнинг миллий стандарт 
классификатори бўйича коди 
1229 
Ходимлар тоифаси 
Бошқарув 
358. Лавозим вазифалари: 
а) бошқармага берилган тегишли топшириқлар ижросини тўлиқ бажарилишини 
таъминлаш; 
б) бошқарманинг фаолиятини режалаштириш, йиллик ва истиқбол иш режаларини 
ишлаб чиқилишида, унинг таркибига кирувчи бўлимлар фаолиятини мувофиқлаштириб 
боришда ва халқ таълими муассасалари фаолиятини методик таъминлаш ва ташкил этиш 
туман (шаҳар) бўлимларининг йиллик иш режаларини кўриб чиқишда иштирок этиш, уларда 
белгиланган тадбирларнинг сифатли ижро этилиши устидан назорат олиб бориш; 
в) бошқарма тасарруфидаги мактабгача таълим, умумий ўрта таълим, мактабдан 
ташқари таълим тизимини ривожлантириш манфаатлари йўлида ҳуқуқни муҳофаза қилувчи 
ва маҳаллий ҳокимият органлари, жамоат ташкилотлари билан ўзаро ҳамкорликларни йўлга 
қўйиш; 
г) ҳуқуқбузарликларни олдини олиш, уюшган жиноятчилик, коррупция, гиѐҳвандлик 
ва бошқа зарарли иллатлардан сақланиш, уларнинг олдини олиш чораларини кўриш бўйича 
кенг қамровли тарғибот-ташвиқот ишларини амалга ошириш; 
д) вилоят миқѐсидаги кенг кўламда турли хил тарбиявий ишлар, семинар-тренинглар, 
конференциялар ва кўрик-танловларни режалаштиришда иштирок этиш; 
е) таълим муассасалари маънавий-маърифий ишлар бўйича директор ўринбосарлари, 
ахборот-ресурс марказлари ҳамда синф раҳбарлари фаолияти самарадорлигини ошириш; 
ж) бошқарма ходимларининг касбий, методик ва илмий салоҳиятини ошириш 
ишларини ташкил этишда, ички меҳнат тартиби қоидаларини белгилашда иштирок этиш; 
з) бошқарма фаолиятига тегишли барча ахборотларни йиғиш, таҳлил қилишда 
иштирок этиш ва ижро интизомига риоя қилиш; 
и) тегишли топшириқларнинг ўз вақтида ижро этиш, ҳужжатлар айланишини назорат 
ва таҳлил қилиш; 

---

154 
к) бошқарманинг ходимларга бўлган эҳтиѐжларини аниқлашда, кадрларни танлаш ва 
жой-жойига қўйишда, юқори малакали мутахассислар билан тўлдиришда, уларнинг касбий 
маҳоратларини ривожлантириш бўйича чора-тадбирларни амалга ошириш ишларида 
қатнашиш; 
л) бошқарма ходимларини қайта тайѐрлаш ва уларнинг малакасини ошириш, ходимлар 
аттестациясини ҳамда улар томонидан меҳнат интизомига риоя қилинишини назорат қилиш, 
жамоада соғлом маънавий муҳитни шакллантириш, ички меҳнат тартиби қоидаларига риоя 
қилиш; 
м) бошқарманинг моддий-техника базасини мустаҳкамлашга оид чора-тадбирларни 
амалга ошириш, таълим объектларида олиб борилаѐтган ишларни мувофиқлаштириб бориш; 
н) ўқувчи-ѐшлар ўртасида жисмоний тарбия ва спортни тарғиб қилиш ишларини 
амалга ошириш, ўқувчиларни ватанпарварлик руҳида тарбиялаш бўйича илғор педагогик 
тажрибаларни ўрганиш, умумлаштириш ва уларни оммалаштириш; 
о) бошқармага ажратилган бюджет маблағлари ва бошқа бюджетдан ташқари 
тушумлардан тўғри фойдаланишни таъминлаш ҳамда унинг мулкига эҳтиѐткорона 
муносабатда бўлиш; 
п) ўзига берилган ваколатлар доирасида жисмоний ва юридик шахсларнинг ѐзма ҳамда 
оғзаки мурожаатларини, ариза ва шикоятларини белгиланган тартибда кўриб чиқиш, 
санитария-гигиена талаблари, меҳнатни муҳофаза қилиш, техника ва ѐнғин хавфсизлиги 
қоидалари талабларига риоя қилиш. 
359. Билиши лозим: 
а) давлатимизнинг халқ таълими тизимига оид ва болалар ҳуқуқларини тартибга 
солувчи норматив-ҳуқуқий ҳужжатларини; 
б) бошқарманинг фаолиятини режалаштириш, унинг таркибига кирувчи бўлимлар, 
халқ таълими муассасалари фаолиятини методик таъминлаш ва ташкил этиш туман (шаҳар) 
бўлимларининг фаолиятларини мувофиқлаштириб боришни; 
в) умумий ўрта таълимнинг давлат таълим стандартлари, ўқув дастурлари, дарсликлар 
ва ўқув-услубий қўлланмаларини узлуксиз такомиллаштириб бориш йўлларини; 
г) бошқарма ходимларига юклатилган вазифаларнинг ўз вақтида ҳамда сифатли 
бажарилишини назорат қилишни, кадрларни танлаш ва жой-жойига қўйиш усуллари, 
уларнинг малакасини ошириш ва қайта тайѐрлаш тартибини; 
д) мактабгача таълим, умумий ўрта таълим тизимини ривожлантириш манфаатлари 
йўлида маҳаллий ҳокимият органлари, жамоат ташкилотлари билан ўзаро ҳамкорликни йўлга 
қўйиш усулларини; 
е) умумий ўрта таълим мактабларининг ўқувчилари ўртасида ташкил этилаѐтган 
мусобақалар, кўрик-танловларнинг ўтказилишини мувофиқлаштиришни; 
ж) жамоада соғлом маънавий муҳитни шакллантириш, аҳиллик ва иноқликни 
мустаҳкамлаш бўйича фаолият юритишни; 
з) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
360. Малака талаблари: 
а) камида бакалавр даражасидаги олий маълумот; 
б) хорижий тиллардан бирининг бошланғич босқичини ва ахборот-коммуникация 
технологияларидан фойдаланишни билиши; 
в) камида беш йиллик иш стажи. 

---

155