Халқ таълими ходимлари асосий лавозимларининг малака тавсифлари

54-§. Ўқувчиларни касб-ҳунарга йўналтириш ва психологик-педагогик
республика ташхис маркази директори ўринбосари
лавозимининг малака тавсифлари

Тартиб рақами	913
Машғулотларнинг миллий стандарт классификатори бўйича коди	1210
Ходимлар тоифаси	Бошқарув

161. Лавозим вазифалари:

а) ташхис марказининг йиллик ва истиқбол иш режаларини шакллантириш, ўз вақтида бажарилишини назорат қилишда иштирок этиш, ўқувчиларнинг касбий мотивларини ўрганиш, қизиқиш ва қобилиятларини ташхис қилиш методикаларини ишлаб чиқиш, амалда қўллаш жараёнини ташкил этиш;
б) таълим муассасаларида ўқувчиларни касб-ҳунарга йўналтириш бўйича амалий-услубий ёрдам бериш, илғор педагогик ва психологик методикаларни ва ахборот технологияларни жорий этган ҳолда уларни маҳаллий шароитга мослаштириб амалиётга тадбиқ этиш ишларини мувофиқлаштириш;
в) ўқувчилар ва уларнинг ота-оналари учун касбий маслаҳатлар бериш, умумий ўрта таълим мактаблари, ўқув-ишлаб чиқариш мажмуалари, касб-ҳунар коллежларида “Очиқ эшиклар” кунлари, “Касблар фестивали” тадбирларини ташкил этиш;
г) илмий-методик кенгаш йиллик иш режасини тузиш ва тасдиқлатиш, муаллифлар томонидан яратилган ўқув-методик ва бошқа қўлланмаларни тақриздан ўтказиш ва нашрга тавсия этиш ишларни мувофиқлаштириш;
д) турли илмий-тадқиқот институтлари билан алоқалар ўрнатиш, илмий ҳамкорлик қилиш, илмий-амалий конференциялар ва семинарлар ташкил қилиш;
е) бўлимларнинг илмий-услубий ва ташкилий ишларини бошқариш, уларни таҳлил қилиш;
ж) ходимларни аттестациядан ўтказиш бўйича ҳужжатлани тайёрлаш, уларни қайта тайёрлаш ва малакасини ошириш ишлари бўйича тегишли маълумотларни йиғиш, таҳлил қилиш ва ташхис маркази директорига тегишли таклифлар киритиб бориш;
з) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилиш.
162. Билиши лозим:
а) давлатимизнинг халқ таълимига оид ва болалар ҳуқуқларини тартибга солувчи норматив-ҳуқуқий ҳужжатларини;
б) мутахассислиги бўйича янгиликларни, психология-педагогика фани ютуқларини ва уни ҳаётга татбиқ этиш йўлларини;
в) методик ишларни ташкил этиш ва самарадорлигини ошириш усулларини;
г) кадрларни танлаш ва жой-жойига қўйиш усулларини, уларнинг малакасини ошириш ва қайта тайёрлаш тартибини;
д) давлат таълим стандартлари, ўқув дастури ва бошқа ўқув-методик ҳужжатларнинг мазмуни ҳамда ўқув жараёнига татбиқ этиш йўлларини;
е) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидаларини.
163. Малака талаблари:
а) олий педагогик ёки психологик маълумот;
б) хорижий тиллардан бирининг бошланғич босқичини ва ахборот-коммуникация технологияларидан фойдаланишни билиши;
в) камида беш йиллик иш стажи.