H. T. Avezov, sh sh. Xudoyberdiyev

V-VI-ma’ruzalar. 

KOLLOID  ERITMALARNING MOLEKULYAR-KINETIK 

XOSSALARI 

Reja 

         1. Kolloid eritmalarning molekulyar-kinetik  

xossalari haqida umumiy ma’lumot. 

2. Kolloid eritmalarda Broun harakati.  

                                    3. Kolloidlarning diffuziyasi. 

---

 

29 

4. Kolloid eritmalarda osmotik bosim. 

                                    5. Sedimentatsiya. 

                                    6. Sedimentatsion analiz. 

 Barcha kolloid sistemalar (eritmalar) geterogen va dispers sistemalar bo’lib, 

ulardagi  dispers  fazaning  zarrachalari  mikroskopda  ko’rinmaydi.  Kolloid 

eritmalarning  ba’zi  xossalari  haqiqiy  eritmalar  xossalariga  o’xshaydi  va    bu 

xossalar  erigan  modda  tabiati  qanday  bo’lishidan  qat’iy  nazar,  eritmaning  hajm 

(yoki massa) birligida bo’lgan zarrachalar (molekula va ionlar) miqdoriga bog’liq 

bo’ladi. Bu xossalar eritmalarning kolligativ xossalari deb ataladi. Ular jumlasiga  

eritmalardagi  bo’ladigan  diffuziya  va  osmos  hodisalari,  eritmada  toza  erituvchi 

bug’ bosimining pasayish hamda qaynash temperaturasining ko’tarilish hodisalari 

kiradi.  Shu  bilan  birga  kolloid  sistemalarda  kolloid  zarrachalarning  tartibsiz 

harakatini bevosita kuzatish mumkinligi  ham aniqlandi. 

Dispers sistemalarning optik xossalarini o’rganish natijasida  kolloidlarning 

tuzilishi,  kolloid  zarrachalarning    o’lchamlari,  ularning  shakli  va  kolloid  eritma  

konsentratsiyasiga    oid  masalalar  yoritib  boradi.  Ayniqsa  kolloidlarning  optik 

xossalari bilan ularning molekulyar-kinetik xossalarini birgalikda tekshirish ajoyib 

samaralarga olib keladi. 

Yorug’lik  to’lqinlari  dispers  sistemalar  orqali  o’tganda  yorug’lik  qaytishi, 

yutilishi,  zarrachalar  ta’sirida    yoyilib  ketishi  mumkin.Yorug’likning  dispers 

zarrachalar  sirtidan  qaytish  hodisasi    geometrik  optika  qonunlariga  muvofiq 

ravishda  sodir  bo’ladi.  Faqat  dispers  faza  zarrachalari  ayni  yorug’likning  to’lqin 

uzunligidan  katta  bo’lgan  hollardagina  yorug’lik  dispers  fazadan  qayta  oladi. 

Kolloid  sistemalarda  dispers  faza  zarrachalarining  o’lchami  to’lqin  uzunligidan 

kichik bo’ladi va yorug’likning yoyilish hodisasi kuzatiladi. 

Kolloid    sistemalarda    zarrachalarning  o’z-o’zidan  harakat  qilishni 

molekulyar-kinetik  nazariyasi  tekshiradi.  Kolloid  sistemalarning  molekulyar-

kinetik  hodisalardan  eng  muhimlari  qatoriga  kolloid  zarrachalarning  broun 

harakati,  diffuziyalanishi,  ularning  osmotik  bosimi  va  sedimentatsiya  hodisalari 

kiradi. Sedimentatsiya hodisasi  ko’proq dag’al dispers sistemalarda uchraydi. 

---

 

30