Х. И. Ирсалиев ортопедик стоматология

Фосфатли қолиплаш хом ашёлари. Унинг кукуни цинкфосфатцемент, 
майдаланган кварц, кристоболит, магний оксиди, алюминийгидрат оксидидан 
таркиб топган. Бу қолиплаш материаллари зангламайдиган металлар (ҳажмий 
кенгайиши температура коэфиценти тахминан 0,027 К-1)ни совигандаги 
киришиши ўрнини тўлдиради. Олтин қотишмалар 1,25% атрофида киришади 
ва бу киришиш ўрнини гипс қолип тўлдиради. Фосфат қолипларда қотиш 
жараёни унинг таркибига қараб 10-15 минут давом этади. 
Сиолит кукун (кварц куми, фосфат, переклаз) ва суюқлик 
(силиказоль)дан таркиб топган, асосан олинмайдиган (шу жумладан 
металлкерамика) протезларида ишлатилади. Масса юқори мустахкамлик ва 
тўлдирувчанлик хусусиятларига эга.
Кукун ва суюқлик нисбатан 100: 18- 20; Вакумли аралаштиргичда 
аралаштирилади, 30 дақиқадан сўнг тўлиқ қотади. Қолип печда 20-400
0
С ва 
600-800
0
С да 30-60 дақиқада, 400-600
0
С оралиғида камида бир соатда қизийди 
ва 800
0
С да 40-60 дақиқа туради. Қуйишдан бир соат кейин буюм қолипдан 
ажратилади. 
Силикатли қолиплаш хом ашёлари юқори иссиқ бардошлиги ва 
мустахкамлиги билан ажралиб туради. Улар КХҚ ва зангламайдиган 
металларни қўллашда ишлатилади. Уларда гипс ва фосфатлардан ташқари 
кремний гели ҳам қўлланилади. Кремнийнинг органик бирикмаларидан осон 
гидролизланадиган тетраэтилортосиликат Si (ОС2 Н2) 4 кўпроқ ишлатилади, 
қиздирилганда кремний 2 оксиди кўринишидаги якуний махсулот ҳосил 
қилади. Силикатли қолиплаш массанинг боғловчи суюқлиги этил спирти, сув 
ва томчилаб этилсиликат қўшиладиган тўйинган хлорид кислота 
аралашмасидан таркиб топган. Олов бардош таркиб сифатида кўпроқ кварц, 
маршалит, корунд, кристоболит ва бошқа моддалар ишлатилади. Силикатли 
қолиплаш массалари иссиқда кенгайиш коэфицентининг катталиги билан 
ажралиб туради. Қуйманинг аниқ бўлишини таъминлаш учун кукун ва 
суюқлик (боғловчи эритма) ўртасидаги нисбатларга аниқ риоя қилиниши 
шарт. Шакл кичрайишини тўлдирувчи нисбатнинг энг мақбули 30г суюқлик ва 
70 г кукундир. Хом ашёнинг қотиш вақти 10-30 дақиқа.