Х. И. Ирсалиев ортопедик стоматология

Отформатировано: узбекский (кириллица)
Отформатировано: узбекский (кириллица)
Отформатировано: узбекский (кириллица)
Отформатировано: узбекский (кириллица)

---

65 
4. ОРТОПЕДИК СТОМАТОЛОГИЯ КЛИНИКАСИДА БЕМОРНИ 
ТЕКШИРУВДАН ЎТКАЗИШ 
Беморни текширишдан мақсад анатомик ўзгаришлар характери ва 
даражасини белгилаш, касалликлар билан боғлиқ бўлган, шунингдек аъзолар 
фаолияти ҳолатини аниқлашдан иборатдир. Негаки, функционал ва 
морфологик бузилишлар органик жиҳатдан ўзаро боғлиқ ва мавжуд 
касалликни келтириб чиқаради, бу ва бошқа бузилишларни ўрганиш учун эса, 
текширув усулларидан фойдаланиш зарур. Шунингдек даволаш режаси 
фаолиятини меъёрга келтиришга, ҳамда анатомик бузилишларни бартараф 
қилишга йўналтирилган тадбирларни ўз ичига олиши лозим. 
Ортопедик даволашга муҳтож бўлган чайнаш-нутқ аппаратининг кўплаб 
касалликлари этиологияси маълум. Кўпинча, бу кариес, пародонт 
касалликлари, жароҳатлар. Шулар билан бир қаторда сабаби номаълумлигича 
қолаётган касалликлар ҳам учрайди. Масалан, аномал ҳолатларнинг келиб 
чиқиши, тишларнинг туғма адентияси, уларнинг ретенциялари ёки тиш 
чиқишининг қийинлиги, тиш қаттиқ тўқимасининг юқори емирилиш 
сабабларини изоҳлашда кўп ҳолатлар ноаниқлигича қолмоқда. 
Бироқ, касаллик чақирадиган сабабларни билиш, шунингдек беморни 
муваффақиятли даволаш учун етарли эмас. Негаки болалар орасида очиқ 
прикусни келтириб чиқарадиган зарарли одатлар ҳам (бармоқларни, бегона 
нарсаларни сўриш) тарқалгандир. Аммо, охиргиси ҳаммада эмас, фақат 
маълум бир қисм болаларда кузатилади. Дарҳақиқат, аномал ҳолатларни 
келтириб чиқарадиган сабаблардан ташқари, унинг ривожланиши негизида 
ётадиган шароит ва патологик жараёнларни билиш ҳам керак. Касаллик 
патогенезида кўплаб омиллар ахамиятга эга. Аъзоларнинг тузилиши, унинг 
фаолияти, беморнинг ёши, унинг иммунли имкониятлари, илгари бошдан 
кечирилган касалликлари катта аҳамиятга эгадир. Зеро, буларнинг барчаси ҳар 
бир организмнинг ўзига хослигини белгилаши боис, текшириш бир хил тарзда 
бўлиши мумкин эмас.