Gurux Fan Bajardi

Gurux	Fan	Bajardi	Qabul qildi
630-17	Tarmoqni dasturlash asoslari	Abdusattorov M	A.Tillaboyev

1-амалий иш
Мавзу: Тармоқ протоколлари ва улар билан ишлаш асослари.
Ишдан мақсад: Тармоқ протоколларини амалий ва дастурий жихатдан тахлил қилиш.
Назарий қисм
80-йилларнинг биринчи ярмида яратилган ва кейинчалик TCP/IP номини олган ахборот узатиш модели протоколи яратилган. TCP/IP стек протоколи тўрт поғонали тузилишга эга бўлиб, ҳар бир поғонада ўзининг протоколлари мавжуддир. Бу протокол орқали адреслашдан нафақат интернет тармоғи элементларини адреслашни амалга ошириш мумкин, балки локал тармоқда ҳам фойдаланувчиларга уникал адреслар бериш мумкин. Адреслаш орқали тармоқ фойдаланувчилари бир-биридан фарқланади ва пакетлар аниқ белгиланган фойдаланувчига етиб бориши кафолатланади. Олдин шахсий компьютерлар сони кам бўлган ва уларни адреслашда муаммо бўлмаган, аммо, шахсий компьютерларнинг ва бошқа тармоқ қурилмаларининг сонини кескин ортиши адреслашда муаммоларни вужудга келтирди. IP протоколларининг тўртинчи IPv4 ва олтинчи IPv6 версиялари мавжуд бўлиб улар турли хусусиятларга кўра бир-биридан фарқланади. Барча тармоқнинг асосий тузилиши IPv4 га асосланган, аммо ушбу протокол тақдим этаётган адреслар сони ҳозирги эҳтиёжларни қондира олмайди. Интернет тармоғи шу даражада ривожланмоқдаки, у тақдим этаётган хизмат турлари ҳам кўпайиб бормоқда. Интернет буюмлари, яъни масофадан бошқарув тизимлари, “ақлли уй” каби замонавий имкониятларни таъминлаш учун IPv6 ни қўллашдан бошқа илож қолмади. “Халқаро симсиз тадқиқот” форуми аъзоларининг баҳолашича 2017-2020 йилларда интернет буюмларининг сони 7 трлн.ни ташкил этади ва бир фойдаланувчига тўғри келадиган ўртача миқдорда Интернет буюмларининг сони 3000-5000 тани ташкил қилар экан [1]. Ҳозирда IPv4 адреслари якунлангани учун IPv6 протоколини тармоқда қўллаш устида глобал миқёсда иш бошланган.