Гуруҳ битирувчиси Деҳқонова Зухрахон Таълатжон қизининг

ИЛОВА
МАШҒУЛОТ ИШЛАНМАЛАРИ
Қуйида мактабгача таълим муасссасалари тарбиячилари учун машғулот ишланмаларидан намуналар келтирилмоқда.


Машғулот мавзуси. Машина расмини чизиш
Машғулот мақсади: Машина расмини чизишга ўргатиш.
Машғулот учун керакли материаллар: Машина расми, намунали тасвирлар, альбом варағи, қалам, рангли қалам, мумқалам, фломастер, акварель, гуашь бўёқлари, салфетка, мўйқалам, стаканда сув, палитра ва ҳ.к.
М ашғулот мазмуни. Болалар билан машиналарнинг турлари ҳақида суҳбат қуриш. Машина расмлари ва машиналар ҳақида мултьфильм кўрсатиш, намунали тасвирларни кўрсатиш, керакли материаллар билан таъминлаш лозим.
Машина расмини босқичлар билан чизиш:
1-босқич. Машина расми оддий усулда чизилади. Машина расмини чизишда ғилдирагини чизишдан бошланади. Машинанинг иккита ғилдираклари бир хилда бўлиши лозим. Сўнгра, ҳар бир думалоқ ғилдирак ичида яна кичикроқ думалоқ чизилади. Кичик ва катта айланалар чизиб оламиз.
2-босқич. Иккита ғилдиракнинг ўртасига горизонтал чизиқ чизиб бирлаштириб чиқамиз. Иккита колесонинг ташқи томонига иккита кичикроқ овални чизиб чиқамиз. Булар машинанинг фонарлари бўлади.
3-босқич. Кейин иккита фонарини ёй чизиқ билан бирлаштириб оламиз. Шундан кейин, машинанинг асосий корпус қисми тайёр бўлади.
4-босқич. Машинанинг рулини чизамиз.
5-босқич. Тайёр чизиб қўйилган машина эскизига ранг бериб чиқилади. Машина учун рангни болалар ўзлари танлаши мумкин. Машғулот сўнггида болалар ишлари таҳлил қилинади.
Машғулот мавзуси. Айлана, ёй ва эгри чизиқларни чизиш.
Машғулот мақсади: Айлана, ёй ва эгри чизиқларни чизиш ва математик ҳисоблашга ўргатиш.
Машғулот учун керакли материаллар: дельфин расми чизилган намунали тасвирлар, бадиий материаллар: оддий қора қалам, рангли қалам, фломастер, рангли мум қаламлар, ўчирғич, салфетка ва ҳ.к.
Машғулот мазмуни. Болаларга машғулот учун керакли материалллар тарқатиб чиқилади. Машғулот мазмуни ҳақида тушунтирилади. Болаларга намунали тасвирларни яхшилаб кузатиб, сўнгра шу каби тик, ётиқ, қия, (горизонтал, вертикал ва қия чизиқларни машқ қилиш айтилади. Бу чизиқлар маълум кетма-кетликда босқичларда чизиб ўрганилади.