Guliston davlat universiteti o’zbek tili va adabiyoti kafedrasi

Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвийлиги
Мазкур фан тилшунослик, фольклор, тарих, эстетика, фалсафа, психология, санъатшунослик, социология каби фанлар ўрганиладиган муаммоларнинг умумийлиги билан бир-бирига боғланган. “Адабиёт ўқитиш методикаси” фани адабиётшунослик, психология ва педагогика фанлари билан алоқадор бўлгани учун шу фанлар тўлиқ ўрганиб бўлингандан сўнг ўқитилиши мақсадга мувофиқдир. Адабиётшуносликка доир фанларни ўзлаштириб олишнинг ўзи умумий ўрта мактаб ёхуд ўрта махсус таълим босқичида бу йўналишдаги фанлардан дарс бериш учун етарли эмас. Бунинг учун талабалар хусусий методиканинг талаблари, усул ва йўлларидан хабардор бўлишлари керак. Шунингдек, педагогика фанлари тизимига кирадиган “Адабиёт ўқитиш методикаси” фани педагогика, психология, адабиётшунослик, тарих сингари ёндош илмлар билан чамбарчас алоқададир.

Дастурда кўрсатилган мавзулар маъруза, семинар шаклида олиб борилади, шунингдек, фаннинг долзарб масалалари талабаларга мустақил иш сифатида ўзлаштиришга берилади. Фан замонавий педагогик технологиянинг турли методлари орқали ўтказилади.