Guliston davlat universiteti o’zbek tili va adabiyoti kafedrasi

Фан бўйича талабаларнинг билим, кўникма ва малакаларига қўйиладиган талаблар

Она тили ва адабиёт ўқитиш методикаси фани бўйича бакалавр она тили ва адабиёт ўқитиш методикасининг фан сифатидаги хусусиятлари, она тили ва адабиёт ўқитишнинг принциплари, она тили ва адабиёт дарсларида ўқитувчининг фаолияти, таълимнинг асосий ва ёрдамчи воситалари ва ўқитувчига қўйиладиган талаблар, она тили ва адабиёт ўқитишда таълим усуллари ҳамда ўқувчилар билан ишлаш йўллари, она тили ва адабиёт ўқитишнинг назарий-амалий мазмуни ҳамда ўқувчиларни баҳолаш мезонлари, она тили ва адабиёт ўқитишнинг замонавий педагогик технологияси асослари ҳақида тасаввурга эга бўлиши зарур. Шунингдек, она тили ва адабиёт фанидан дарс шакллари ва турларини ўтилажак асардан келиб чиққан ҳолда танлашни, она тили ва адабиётдан замонавий дастурлар ва дарсдан ташқари машғулотлар мазмунини, она тили ва адабий таълимга доир меъёрий ҳужжатларни, она тили ва адабиёт машғулотларида мавзуни очувчи кўрсатмали қуроллар танлаш (ясаш)ни, она тили ва адабиёт машғулотларида мавзуни ўқувчилар ёш хусусиятидан келиб чиқиб ўтиш усулларини билиши ва улардан фойдалана олиши лозим. Пировардида она тили ва адабиёт фанидан мутахассис сифатида йиллик ва чораклик иш режаларини, она тили ва адабиёт дарсларининг режа-конспекти (дарс баённомаси) ни туза олиш, она тили ва адабиёт фани бўйича синфда, синфдан ташқарида дарс машғулотлари ва назорат ишларини ташкил этиш, таҳлил қила олиш ва уларни баҳолаш, она тили ва адабиёт таълимининг асосий ва ёрдамчи воситаларидан ўринли ва самарали фойдалана олиш, она тили ва адабиётига доир адабий-назарий тушунчаларни изоҳлай олиш, она тили ва адабиёт бўйича дарсларни ташкил этиш ва ўтиш кўникмаларига эга бўлишига эришиш кўзда тутилади.