Gruntlarning tabiati

Grunt zarralarining zichligi (g/sm³, t/m³) grunt qattiq zarralari massasining ularning hajmiga nisbati sifatida aniqlanadi:

Ρ_s = m₁ / v₁ (1.6)

Zarralar zichligi faqat ularning minerallar tarkibiga bog‘liq bo‘ladi. qoyatosh gruntlar uchun u odatda 2,4 dan 3,3 g/sm3 gacha, qoyamas gruntlar uchun – 2,4...2,8 gsm3 doirasida o‘zgaradi. ρ_s ning eng ko‘p uchraydigan qiymatlari (g/sm³): qumlar uchun – 2,65...2,67, loyli qumlar uchun – 2,68...2,72, qumli loylar uchun – 2,69...2,73, loylar uchun – 2,71...2,76.

Zarralarning solishtirma og‘irligi γ_s ni zarralar zichligini erkin tushish tezligiga ko‘paytirish yo‘li bilan olish mumkin.

Gruntning yuqorida keltirilgan asosiy fizik ko‘rsatkichlari ρ , w , ρ_s doim eksperimental yo‘l bilan aniqlanadi. Ulardan quyida ko‘rsatilgan boshqa ko‘rsatkichlarni aniqlash uchun foydalaniladi.

Quruq grunt zichligi ρ_d ko‘pincha grunt skeleti zichligi deb ataladi va quruq grunt (grunt zarralari) massasining butun grunt hajmiga nisbati sifatida aniqlanadi:

ρ_d = m₁ /V₁. (1.7)

(1.3) formulasida M va m₁ ni V ga bo‘lib hamda (1.1) va (1.5) ifodalaridan foydalanib, shunday yozish mumkin:

ρ_d = ρ/(1+ w). (1.8)