Glossariy 1-mavzu. Marketing va uni rivojlanishining asosiy bosqichlari

3. Глоссарий


А
Абсолют (мутлоқ) миқдорлар - кузатилаётган миқдор бирликларини қўшиш ёки айириш, бошқача айтганда ҳажм ва миқдор кўрсаткичи бўлиб, улар статистик тўпламнинг миқдори ва ҳажмини ифодалайди. Абсолют кўрсаткичлар натурал, меҳнат ва пул ўлчамларига бўлинади.
Агент - юридик ёки жисмоний шахс бўлиб, фирманинг ҳисобидан ёки унинг номидан, унинг хизматчиси бўлмай туриб, бошқа шахснинг топшириғи бўйича операцияларни амалга оширувчи шахс.
Америка Депозитар тилхати (АДР- Америcан Депозитори Ресеиптс) – бу АҚШ банкида Депонентланган чет эл акцияларга эркин айирбошланадиган тилхатдир. Ҳозирги вақтда ушбу инвестиция ёрдамида АҚШда чет эл қимматли қоғозлари билан савдолар амалга оширилади.
Акция - бу французча «аcтион» сўзидан олинган бўлиб, у акциядорлик жамиятининг устав фондига муайян ҳисса қўшганлигк хакида гувоҳлигини берувчи, унинг эгасига фойданинг бир қисмини олиш ва одатда ушбу акциядорнинг жамиятини бошқаришда иштирок этиш ҳуқуқини берувчи қимматли қоғоздир.
Акциядор - акцияни ўз ҳисобидан, яъни мавжуд бўш пул маблағларига сотиб олиб, жамиятнинг низом фондини ташкил этишда иштирок этувчи корхона, ташкилот, банк ва бошқа молия ташкилотлари ёки алоҳида фуқаролардир.
Акциядорлик жамияти - кўрсатилган номинал қийматга тенг акцияларнинг муайян миқдорига бўлинган низом фондига эга бўлган ҳамда мажбуриятлари бўйича фақат ўз мол-мулки билан жавобгар бўладиган жамият.
Акцияларниниг бонусли эмиссияси - акцияларни акциядорлар ўртасида бепул тарқатиш мақсадида муомалага чиқариш.
Активларни диверсификация қилиш - активлар турини ўзгартириб, уларни кўпайтириш. Активларни диверсификация қилиш тизими кредит олувчининг молиявий аҳволи, кредитларни қайтара олиш лаёқати ва гаровнинг мавжудлиги каби омилларга қараб амалга оширилади.
Актив пул обороти - бу тўлов жараёнларида бевосита иштирок этаётган ҳаракатдаги пул массасидир.
Акционер банк – акционер жамият каби очиқ турдаги ёки ёпиқ турдаги акционер банклар бўлиши мумкин. Акционерлар сафига кириш акцияларни сотиб олиш йўли билан амалга оширилади.