Glossariy 1-mavzu. Marketing va uni rivojlanishining asosiy bosqichlari

Актив - 1. бу бухгалтерлик балансининиг хўжалик маблағларининг ҳолати акс эттириладиган чап томони. 2. Жисмоний ёки ҳуқуқий шахсга тегишли мол-мулк йиғиндиси: асосий воситалар, ишлаб чиқариш моддий заҳиралари, номоддий активлар, пул маблағлари, молиявий қўйилмалар.
Актив операциялари – бу банкларнинг фойда олиш ва банк ликвидлиги (тўловга қобилияти)ни таъминлаш мақсадида ўз маблағларини хўжаликлар ва аҳоли эҳтиёжи учун жойлаштирилишидир.
Аккредитив (лот. аccредо - ишонаман) – пул ҳисоб-китоб ҳужжати; банк мажбурияти. 1) Томонлар ўртасида тузилган шартномага асосан амалга ошириладиган ҳисоб-китоб тури бўлиб, унга кўра қарз берувчи (кредитор) белгиланган муддатларда, келишилган шартлар асосида келишувда кўрсатилган банк орқали ўзига тегишли тўловларни олиб боради; 2) жамғарма банкининг аҳолига кўрсатиладиган хизмат турларидан бири; банк бўлимининг тегишли бир шахсга маълум имқдордаги сўмларга берадиган буйруғи, махсус бланк воситасида амалга оширилади. Булардан ташқари аккредитив турли шахсларга жойлаштирилган корхоналарнинг мулкий муносабатларида, халқаро ҳисоб-китобларида кенг қўлланилади.
Аккредитация тўғрисида гувоҳнома - Марказий банкнинг ваколатхона аккредитациялангани ва рўйхатдан ўтганини тасдиқловчи ёзма ҳужжати.
Акцепт (лат. аccэптус – розилик берилган) – 1) пул, ҳисоб-китоб, товар ҳужжатларини ёки товар ҳақини тўлашга розилик бериш ёки тўлашга кафиллик; 2) таклиф этилган шартларда шартнома тузишга розилик. Акцепт етказиб берилган товарлар ички ва халқаро товар-пул муомаласида кўрсатиладиган хизмат учун ҳақ тўлаш шаклларидан бири сифатида кенг қўлланилади; 3) Вексель, чек ва бошқа қимматбаҳо қоғозлар, шунингдек товар ҳужжатлари бўйича ҳисоб-китоб қилиш шакли.
Акцептлаш – тўловга розилик бериш.
Акцептланган вексель - тўловга розилик берилган вексель.
Акцептланган тратта - тўловга розилик берилган ўтказма вексель.
Акцептланмаган тратта - тўловга розилик берилмаган ўтказма вексель.
Ақор – кўчмас мулк, ер-сув, замин тушунчаларини англатувчи ижтимоий атама.