Glossariy 1-mavzu. Marketing va uni rivojlanishining asosiy bosqichlari

РЕЖИССЁР (лот. – бошқараман) – спектакль, фильм, теле- ва радио кўрсатув ва эшиттиришларини, эстрада ва цирк дастурларини саҳналаштирувчи шахс. Ўз ижодий ўйлари, мақсади асосида томошанинг барча иштирокчилари - актёр, рассом, композитор, кинода оператор ишини бирлаштириб, янги томошавий воқелик яратади (яна қ. Режиссёрлик санъати).

Режиссура – ижодий ва амалий иш жараёни.

РОЛЬ (франц.) –саҳнада, экранда актёр томонидан ижро этилган бадиий образ.

САЙИЛ – йилнинг маълум фаслларида ўтказиладиган сайиллар, сайр-томошалар.

Саҳна – 1) театр биносининг томошабинга яхши кўринадиган, актёрлар учун қулай бўлган томоша кўрсатиладиган қисми; 2) пьеса ва спектакллардан бир кўриниш.

СЮЖЕТ (франц. – предмет, мазмун, нарса) – бадиий асар мазмунини ташкил этадиган, бир-бири б-н ўзаро боғлиқликда кечадиган, қаҳрамонлар ўртасидаги алоқалардан таркиб топган воқеалар тизими.

ТЕАТР ДЕКОРАЦИЯСИ САНЪАТИ, сценография – тасвирий санъатнинг театр санъати б-н боғлиқ соҳаси; декорация, либослар, ёруғлик, саҳна техникаси воситасида спектаклнинг томоша образи (кўриниши)ни яратиш санъати.

Театрлаштирилган оммавий томошалар – ноанъанавий саҳналарда ўтказиладиган, бирор мавзу ёки санага бағишланган, театр элементлари билан бойитилган, кўпчилик иштирок этадиган тадбир.

ФАБУЛА (лот. fabula – масал, эртак, ҳикоя) – эпик, лирик-эпик ва баъзан драматик асарларда тасвирланган воқеа ва ҳодисаларнинг баёни, ҳикоя қилиниш усули.

ФОНОГРАММА (юн. phone – товуш ва грамма) – махсус техник восита (фонограф, магнитофон, рақамли рекордер каби)лар ёрдамида ёзилган товуш садолари йиғиндиси.

ХАЛҚ ИЖОДИ – халқ оммасининг бадиий, ижодий-амалий ва ҳаваскорлик фаолияти; анъанавий моддий ва номоддий маданиятнинг халқ оғзаки бадиий ижоди (фольклор), халқ мусиқаси (мусиқа фольклори), халқ театри (томоша санъати), халқ ўйинлари (рақс), қўғирчоқбозлик, дор ва ёғоч оёқ ўйинлари (халқ цирки), халқ тасвирий ва амалий безак санъати ҳамда техникавий ва бадиий ҳаваскорлик каби ижодиёт турлари.