Glossariy 1-mavzu. Marketing va uni rivojlanishining asosiy bosqichlari

Шахсий ҳисобварақ – бу хўжалик юритувчи субъектлар учун очиладиган ҳисобварақдир. Барча ҳисобварақлар Ўзбекистон Республикасининг Банк Депозитарийлари Миллий Ахборот Базасида (БДМАБ) рўйхатдан ўтказилади. Бу ерда ҳар бир мижозга ўзига хос рақам берилади. Кейин бу коддан мазкур мижоз учун очиладиган барча шахсий ҳисобварақаларни рақамлашда фойдаланилади. Мижоз учун ҳисобварақ очилаётганда банкнинг бош бухгалтери мижоз томонидан тақдим этилган ҳужжатларни кўриб чиқиб, мижоз тўғрисидаги маълумотлар файлини БДМАБга юборади. 1997 йилдан бошлаб мижозларга халқаро стандартларга мос ҳисобварақлар очилади.
Шахсий пластик карточка – бу жисмоний шахсга берилган карточкадир.
Шўбъа банки – устав капитали тўлалигича норезидент банк томонидан тўланадиган банк.
Шўбъа корхона – агар бошқа жамият ёки ширкат унинг устав фондида устунлик қилувчи иштироки туфайли ёки улар ўртасида тузилган шартномага мувофиқ, ёхуд бошқача тарзда мазкур жамият томонидан қабул қилинадиган қарорларни белгилаш имкониятига эга бўлса, ушбу хўжалик жамияти шўба жамияти деб тан олинади.
Шубҳали кредит – субстандарт кредитига хос бўлган белгиларга эга. Қўшимча хусусияти – қарзнинг ёмон таъминланганлигидир. Зарар кўриши эҳтимоли жуда ҳам катта ҳисобланади. Лекин келгусида изга солиниши мумкин бўлган баъзи бир омилларнинг мавжудлиги қарзлар қайтарилишига ишончни бир қадар қўллаб туради. 180 кундан ортиқ муддатда ҳаракатсиз бўлган активлар ва тўланмаган фоизлар шубҳали қарзга киритилади. Уларнинг 50 фоизи ундирилмай қолади деб ҳисобланади.
Э
Электрон пул - бу ҳисоб-китобларни электрон ҳисоблаш машиналари ёрдамида бажариш учун қўлланиладиган кредит пулларнинг энг сўнгги туридир.
Электрон тўловлар тизими – бу қоғозсиз технологияга асосланган электрон тўловлар, электрон почта воситалари билан маълумотларни ўтказишга асосланган умумдавлат тўлов тизимидир.
Электрон тўлов ҳужжати - бу Марказий Банк томонидан белгиланган шаклда пул ҳисоб-китоб ҳужжатларининг асл нусхаси асосида яратилган. Бу «электрон» белгили ҳужжат бўлиб, унинг аниқ нусхаси бўлиб ҳисобланади ва асл нусха кучига эгадир.