Glossariy 1-mavzu. Marketing va uni rivojlanishining asosiy bosqichlari

ЗАРУРИЙ ВАҚТ – инсон ҳаёти ва турмуши эҳтиёжларини қондириш учун керакли вақт.

КИНО САНЪАТИ – кинематографиянинг техник воситалар асосида шаклланган бадиий ижод тури.

КИНО ҚЎЙИШ АППАРАТИ, кино проектор (кино ва лот. projectio – олдинга ирғитиш) – кинога олиш аппарати б-н киноленталарга олинган кинофильмларни экранга тушириш учун мўлжалланган қурилма.

КОМПОЗИТОР – (лот. – combozitor – ижодкор) – мусиқа асарини яратувчи ижодкор.

Конфликт – персонажларнинг ўзаро коллизияли, қарама-қарши хатти-ҳаракати.

КОНЦЕРТ (лот. concerto – мусобақалашаман) – 1) олдиндан эълон қилинган дастур асосида санъаткорларнинг махсус жой (зал, саҳна)да чиқиши; мусиқа, адабий, эстрада асарларини оммавий ижро этиш. 2) Европа мумтоз чолғу мусиқаси жанри.

КОРФАРМОН – 1) ўзбек қўғирчоқ театрининг турларидан бири бўлган қўл қўғирчоқ томошаларидан бири; 2) иш бошқарувчи, режиссёр. Саҳналаштириш ишлари бошқарувчиси.Унинг фикр ва талқини орқали асар саҳналаштирилади ва томошабинга тақдим этилади.

Кульминация – бирор воқеа ёки ҳодиса ривожланишидаги энг юқори нуқта, авжига чиқиш.

КУТУБХОНА – босма ва айрим қўлёзма асарлардан оммавий фойдаланишни таъминловчи маданий-маърифий ва илмий муассаса.

КЎРГАЗМА – инсоннинг моддий ва маънавий фаолияти соҳаларидаги ютуқларни оммавий намойиш этиш.

МАДАНИЙ ҲОРДИҚ – ижтимоий мазмунга эга бўлган дам олиш.

МАДАНИЙ-МАЪРИФИЙ ИШ – кенг оммани маданий ва маърифий тарбиялаш, уларнинг умумий маданий савиясини ошириш, ижодий қобилиятларини ривожлантириш, бўш вақтларини кўнгилли ўтказишга кўмак берувчи тадбирлар тизими.

МАДАНИЯТ – жамият, инсон ижодий куч ва қобилиятлари тарихий тараққиётининг муайян даражаси. Кишилар ҳаёти ва фаолиятининг турли кўринишларида, шунингдек, улар яратадиган моддий ва маънавий бойликларда ифодаланади.

МАДАНИЯТ ВА ИСТИРОҲАТ БОҒЛАРИ – аҳоли маданий ҳордиқ чиқарадиган, турли безакли дарахт ва гулзорлар б-н жиҳозланган, кўкаламзорлаштирилган маскан.

МАДАНИЯТ САРОЙЛАРИ ВА УЙЛАРИ – йирик клуб муассасалари. Аҳолининг маданий дам олишини уюштириш мақсадида қурилади.