Glossariy 1-mavzu. Marketing va uni rivojlanishining asosiy bosqichlari

МАРОСИМ – 1) диний ёки анъанавий урф-одатлар муносабати б-н ўтказиладиган маърака, йиғин: диний маросимлар, тўй маросимлари, дафн маросими ва б; 2) тантаналар б-н ўтказиладиган расмий йиғин: юбилейлар, мукофот бериш маросими, ҳайкалнинг очилиш маросимлари ва б.

МАЪНАВИЯТ (араб. «маънавият» – маънолар мажмуи) – кишиларнинг фалсафий, ҳуқуқий, эстетик, бадиий, ахлоқий, диний тасаввурлари ва тушунчалари мажмуи.

МАЪРИФАТ (арабча «арафа» – «билмоқ» сўзидан) – таълим-тарбия, иқтисодий, сиёсий, фалсафий, диний ғоялар мажмуи асосида кишиларнинг онг-билимини, маданиятини ўстиришга қаратилган фаолият.

МИЛЛИЙ МАДАНИЯТ – маълум бир элат, миллат, халқ томонидан узоқ тарихий ривожланиш жараёнида яратилган, уларнинг ижтимоий-маданий эҳтиёжларини ифода этган моддий ва маънавий бойликлар мажмуи.

МУЗЕЙ (юн. musion – музаларга бағишланган жой) – тарихий, моддий ва маънавий ёдгорликларни тўплаш, сақлаш, ўрганиш ва тарғиб қилиш ишларини амалга оширувчи илмий, илмий-маърифий муассаса.

МУСИҚА БЕЗАКЛАРИ – ўзбек анъанавий мусиқа ижрочилигида оҳанг ифодавийлигини бойитиш мақсадида кенг қўлланиладиган мусиқа воситалари.

НАВРЎЗ (форс. – янги кун) – шамсия (қуёш) йил ҳисобида йилнинг биринчи куни; Ўрта Осиё ва Шарқ мамлакатларида яшовчи халқларнинг қадимий анъанавий байрами.

ОВОЗ – мусиқада – одамнинг аниқ баландлик ва узоқ садоланишга эга товуш; кўп овозли мусиқа асарининг муайян куй йўли; партитурадан алоҳида кўчириб ёзиладиган хор ёки оркестр гуруҳининг ижро йўли.

ОҲАНГ (форс. – товуш, нағма, куй) – 1) мусиқий ифода воситаси сифатида энг кичик куй бўлаги, интонация.

ПАРДА – 1) драматик асар, театр спектаклининг бўлими (акт.). Мавзунинг мураккаблиги ва давомийлигига қараб пьеса ва спектакль 1 П.дан 5 П.гача бўлиши мумкин.

ПЕРСОНАЖ (лот. persona – шахс) – санъат ва бадиий адабиётда муаллиф томонидан тасвир этилган шахс.

ПЬЕСА (франц. piece) – 1) театр (шунингдек, радио ва телевидение)да қўйиш учун мўлжалланган драматик асар; 2) якканавоз созанда ёки чолғучилар ансамбли учун кичик мусиқа асари.