Глоссарий

12.4. Юқори босимли бўяш агрегатлари

Юқори босимли бўяш агрегатлари юзаларни лаклар, дисперсиялар, визкозиметр-4 бўйича ёпишқоқлиги 200...300 с бўлган мойли ва полимерли бўёқларни бўяш учун қўлланилади. Бундай агрегатларнинг асосий тугуни бўёқ таркибини пурковчи қурилмага узатувчи юқори босимли насосдир (30МПа гача). Бўёқли таркибни майда заррачаларга айлантириб пўркаш сиқилган ҳаво иштирокисиз (ҳавосиз пўркаш) юқори босим остида амалга оширилади. Бўёқ босимини катта тезлик (100 м/с гача) билан пистолет-пўркагич соплосидан ҳаволи муҳитга тушиши натижасида майда зарраларга айланиши юз беради. Юқори босимли бўяш агрегатининг умумий схемаси -расмда келтирилган.

12.5-расм. Юқори босимли бўяш агрегатининг умумий схемаси.


12.5. Бинолар фасадини бўяш учун агрегат

Бинолар фасадини ВЗ-4 бўйича ёпишқоқлиги 60 с гача бўлган сувли, синтетик ва бошқа фасад бўёқлари билан бўяшда ҳаво пўркагичли икки камерали кўчма агрегатдан фойдаланилади.

Агрегат сиғими 50 л бўлган иккита бўёқ ҳайдовчи баклардан, унумдорлиги 30 м³/соат компрессор, ҳаволи ва материал шлангларни уловчи барабан, ҳаво тақсимлагич ва бошқариш пультидан иборат. Агрегатни барча механизмлари бир ўқли пневмоғилдиракли шасси рамасига ўрнатилган бўлиб тўртта аутригер ва шотига (дышло) эга.
Ишни бошлашдан олдин иккала бак 8 (12.6-расм)бўёқ билан тўлдирилади ва қопқоқ 10 билан герметик ёпилади. Ҳар бир бакни тўлдирилиш маромида ичи бўш шар-клапанлар 6 кўтарилади ва ишчи камера 1 га бўёқ ўтиши учун тешикларни очади. Шар-клапанлар юришини чекловчи ёй 7 чеклайди. Кейин компрессор 14 ёқилади ресивер 13 дан сиқилган ҳаво қувурузатма орқали 23 золотник-тақсимловчи қурилмага келади ва ундан оператор топшириғи асосида ва қувурўтказгич 21 орқали керакли бўёқ ҳайдовчи бакка келади, ва ундан бўёқни узатиш амалга оширилади. Сиқилган ҳаво босими остида бўёқ диафрагма 5 ни босиб шток 18 ни золотник 19 билан бирга суриб, қувур ўзаткич 20 га тушади ва тақсимловчи коллектор 22 орқали ўтиб материал шланг 17 орқали бўёқ қармоғи 16 тушади. Қармоққа сиқилган ҳаво компрессордан шланг-ҳавоўтказгич 24 орқали берилади.


-
12.6-расм. Бинолар фасадини бўяш учун агрегатнинг умумий схемаси.