Глоссарий

Адабиётлар
2.3.4.5.6.7.


12-мавзу
Пардозлаш ишларида қўлланиладиган машина ва жихозлар.(давоми)
Режа:
12.1. Бўёқчилик (бўяш) ишлари учун машиналар.
12.2. Пневматик пурковчи бўяш агрегатлари.
12.3. Иссиқ ҳаво билан иситилган паст босимли бўяш агрегатлари.
12.4 Юқори босимли бўяш агрегатлари.
12.5. Бинонинг фасадини бўяш учун агрегат.
12.6. Винтли насослар асосидаги кўчма бўяш агрегатлари.
12.7. Бўёқчилик станциялари.
Таянч сўзлар: қурилиш ҳажми, шпаклевка, мой, нитроэмаль, бўяш агрегати, компрессор, пневматик бўяш агрегати, штуцер, насадка, ҳаво клапани,пистолет, регулятор, бак, бўёқ ҳайдагич, мойли бўёқ, қармоқ.


12.1. Бўёқчилик (бўяш) ишлари учун машиналар
Бўёқчилик ишлари – бино ва иншоотларни (янги қуриладиган, реконструкция ва таъмирланадиган) пардозлашни якунловчи босқичи бўлиб, уни бажаришдан мақсад ташқи томонга эстетик кўриниш бериш, интерьерни шакллантириш, умрбоқийликни ошириш, ички хоналардан фойдаланиш даврида нормал санитар-гигиеник шароит яратишдир. Бўёқчилик ишларига гулқоғоз ёпиштириш ҳам киради. Бўяш ва гулқоғоз ёпиштириш ишларининг асосий технологик операциялари ҳозирги даврда механизациялаштирилган, аммо улар қурилиш-монтаж ишларининг умумий меҳнат сарфининг 10% ни ташкил этади. Бўёқчилик ишлари технологик жараёнларнинг ва кўп операцияликлиги, бўёқ таркибларининг, материал, машиналар, механизмлар, аппаратлар ва мосламаларнинг кўп турлилиги билан тавсифланади.
Шаҳар қурилишида бўёқчилик ишларини бажариш мажмуаси қўйидагилардан иборат: бўёқ таркиблари ва яримфабрикатларни ихтисослаштирилган колер цех ва заводларида тайёрлаш; тайёр маҳсулотларни марказлашган ҳолда қурилиш объектларига етказиб бериш ва бўёқ таркибларини (яримфабрикатларга олдиндан қайта ишлов бериш билан) ишлов бериладиган юзаларга механизациялашган усуллар билан суртиш. Ярим фабрикатлардан бўёқ таркибларини тайёрлаш ва уларни иш жойига етказиб беришни бўёқчилик станциялари ва агрегатлари билан амалга оширилади. Бевосита қурилиш объектларида бўяш ишларини бажариш юзаларни тайёрлаш ва уларни бўяшдан иборат.
Турли хил юзаларни мойли, синтетик ва сувли таркиблар билан механизацияли бўяшда бўёқ таркибларини пуркаш принципига асосланиб ишловчи кўчма ва силжийдиган бўёқчилик агрегатлари қўлланилади. Бундай агрегатларда бўёқ таркиблари резервуардан сиқилган ҳаво кўчи ёки насос ёрдамида босим билан пурковчи қурилмага (сопло, форсунка) узатилади. Пўркагич таркибни майда заррачаларга бўлиб уни нозик қатлам билан бўяладиган юзага сепади.
Бўяш агрегатлари юзаларга шпаклевка, нитроэмал, мойли ва елимли бўёқларни ҳаво (пневматик) ёрдамида пурковчи агрегатлар ва юзаларга лак бўёқ материалларни, сувли-мелли ва сувли оҳакли бўёқ таркибларини механик (ҳаво ёрдамисиз) пурковчи агрегатларга бўлинади.