Глоссарий

5.2 - расм занжирли ҳаракатлантиргичлар.
1-Таянч ғалтаклари; 2- юритувчи юлдузчалар; 3- тутиб турувчи ғалтаклар; 4- тарангловчи ғилдирак; 5- рама.

Катта қадамли гусеницалар босимни грунтга деярли бир хил узатади, аммо катта тезликда ишлаш имконини бермайди. Бикир осмалар гусеницаларда катокларнинг ўқлари рамаларига қўзғалмас қилиб қотириб қўйилади. Юмшоқ турдаги осмалар пружина ва мувозанатлагичлар ёрдамида ҳаракатланишлари мумкин.

Юмшоқ ҳаракатлантиргичлар грунтдаги ҳар қандай нотекисликлардан ўта олади. Гусеницали ҳаракатлантиргичлар грунтга 0,04...0,1 МПа босим беради.Кейинги пайтда ғилдиракли ҳаракатлантиргичдан кенг фойдаланилмоқда.



5.3-расм осма турлари:
а) бикир; б) эластик; в) эластик балансирли;
1-Тарангловчи ғилдирак; 2- юритувчи юлдузчалар; 3- амортизация берувчи тарангловчи қурилма; 4- тутиб турувчи ғалтак; 5- балансирловчи рессор; 6- таянч катоклари; 7- гусеница.


Осмалар (5.3-расм) машиналарнинг кузови ва рамани ҳаракатлантиргичлар бевосита махкамланган узелларга бириктириш учун хизмат қилади. Улар бикир, ярим бикир ва эластик осмаларга бўлинади.
Бикир осмалар. Якка ва мувозанатлагичли турларга бўлинади. Балансирли осмалар якка осмаларга нисбатан юмшоқ бўлади ва машина тезлигига таъсир этади. Унинг ёрдамида тезлик 10 км гача, мувозанатловчи осмада эса 20...25 км ни ташкил этади. Бикир осмалар бўлган ҳолларда машинанинг рама ва ғилдираги ёки гусеницаси оралиғига эластик элемент қўйилмайди.
Ярим бикир осмалар корпусининг бир қисми рессорларда, иккинчи қисми эса юриш органларига тиралиб турадиган гусеницали машиналарда қўлланилади. Юк турдаги осмаларда гусеница рамасининг олдинги учи кўндаланг мувозанатлагичга( рессорга), орқа учи эса етакловчи ўқларга шарнирли қилиб махкамланган бўлади.
Эластик осмалар таъсир этувчи динамик юмшатади ва равон юришни таъминлайди. Бу турдаги осмалар тезликни ошириш, ҳаракатчанликни яхшилаш имконини беради ва бошқаришда қулайликлар яратади. Булар ҳам бикир осмалар каби якка мувозанатлагичлар тарзида бўлиши керак. Эластик осмаларда машина корпусининг тебранишларини сўндириш учун амортизаторлардан фойдаланилади.Ҳар қайси гусеницанинг юритувчи юлдузчаси узатмалар системаси орқали электр двигатели ёки ички ёнув двигателидан умумий ,редуктор,гидромотордан ҳаракат олиши ёки якка ҳлда ҳаракатга келтирилиши мумкин.