Глоссарий ахборот бериш функцияси

Молиявий инвестициялар - сотиб олинган қимматли қоғозлар, берилган кредит ва қарзлар, киритилган пай ва бадаллар.
Муддати узайтирилган харажатлар - ҳисобот йилида келгуси даврда ҳисобига тўланган солиқлар ва бошқа харажатлар.
Мақсадли тушумлар (МТ) – корхонага турли мақсадларда турли манбалардан келиб тушган маблағлар мажмуаси (грантлар, субсидиялар, аъзолик бадаллари, солиқлар бўйича имтиёзлар ва бошқалар).
Мажбуриятлар – бу корхонанинг бошқа юридик ва жисмоний шахслар олдидаги қарзлари.
Муддати кечиктирилган узоқ ва қисқа муддатли қарзлар – бу солиқлар ва бошқа тўловлар бўйича муддати мос равишда 1 йилдан кўп ва 1 йилгача бўлган даврга узайтирилган қарз суммаси.
Молиявий натижалар тўғрисидаги ҳисобот - корхона ва ташкилотларнинг ҳисобот давридаги даромадлари, харажатлари, фойда (ёки зарар), фойдадан солиқлар тўғрисида ягона пул бирлигидаги ахборотларни ўзида мужссамлаштирувчи жадвал.
Муҳит тамойиллари - алоҳида хўжалик субъекти, давомийлик, баҳолаш ва даврийлик.
Молиявий фаолият – бу ўзга шахслар маблағларини корхона фаолиятига жалб этиш.
Молиявий ҳисобот - маълум даврдаги молиявий хўжалик фаолияти кўрсаткичларини пулда белгиланган шакл ва мазмунда ифодалаш усули.
Меъёрлаштириш- корхона активлари минимал миқдори, эскириш даражаси, сарф-харажатларини ҳисобдан чиқариш, солиқ ва тўловлар ва бошқа ҳисоб-китобларда давлат томонидан белгиланган меъёрларни қўллаш усули.
Методологик ёки соҳа тамойиллари деганда бевосита бухгалтерия ҳисобини юритишга ва молиявий ҳисоботларни тузиш ҳамда тақдим этишга тегишли тамойиллар тушунилади.
Мураккаб ўтказмалар – бу уч ва ундан кўп счетлар қатнашиб тузилган ўтқазмаларга айтилади.
Мемориал-ордерлар - бу маълумотларни бир вақтнинг ўзида счетларнинг ҳам дебети, ҳам кредити бўйича гуруҳланган ҳолда қайд этишга мўлжалланган регистрлар.
Молиявий фаолият – ўзга корхоналар (банк ва бошқалар) маблағларини корхонага кредит ва қарз сифатида киритиш ҳамда жалб қилиш билан боғлиқ фаолият.