Глоссарий ахборот бериш функцияси

Меҳнатни илмий асосда ташкил этиш деганда, одатда, уни фан-техниканинг энг янги ютуқлари асосида, инсоннинг жисмоний, ақлий, руҳий ҳолатларига салбий таъсир этмаган ҳолда юқори натижаларга эришишга имкон берувчи тизими тушунилади.
Мажбуриятлар - бу аввалги даврларда содир этилган ҳодисалар натижасида пайдо бўлган корхонанинг жорий қарзи, ушбу қарзлар қайтарилиши натижасида корхонанинг иктисодий нафни ўз ичига олган ресурсларни камайишига олиб келади.
Назорат – бу юз берган, бераётган ва берадиган ходиса ва жараёнларни қонунийлиги, ҳаққонийлиги ва тўғри расмийлаштирилганлигини текшириш
Номоддий активлар – лиценция, патент, савдо маркаси, товар белгиси, гудвил, муаллифлик ҳуқуқи ва бошқалар.
Оператив-техник ҳисоб деганда хўжалик бўлимлари томонидан у ёки бу мақсадда юритиладиган тезкор ҳисоб тушунилади.
Олинадиган счётлар - бошқа юридик ва жисмоний шахсларнинг корхона олдидаги дебиторлик қарзлари.
Олинган узоқ ва қисқа муддатли қарзлар – бу мос равишда 1 йилдан кўп ва 1 йилгача муддатга бошқа юридик шахслардан вақтинчалик молиявий ёрдам сифатида олинган маблағларни қайтариш бўйича қарзлар суммаси.
Олинган узоқ ва қисқа муддатли кредитлар - бу мос равишда 1 йилдан кўп ва 1 йилгача муддатга банклардан кредит шартномалари асосида олинган кредит ресурсларини қайтариш бўйича қарзлар суммаси.
Охирги харид нархлари бўйича баҳолаш усули (LIFO) - (охирги кирим - биринчи чиким) - охирги харид килинган товарларнинг таннархи биринчи навбатда сотилган товарларнинг кийматини аниклаш учун, хисобот даврининг охирига булган захираларнинг таннархи эса биринчи навбатда харид килинган товарлар таннархи асосида хисоб килинади деган тахминга асосланган усул.
Охирги қолдиқ - бу счёт бўйича ҳисобот даври охиридги қолдиқ сумма. Бухгалтерлар тилида уни «охирги сальдо» ҳам деб атайдилар.
Оддий бухгалтерия ўтқазмаси деганда иккита счет қатнашган, шундан бири дебетланган ва бошқаси кредитланган ўтқазмага айтилади.