Gimnastika (yakkakurash, koordinatsion va siklik sport turlari)

Namunaviy mashqlar. Turgan holda qo‘llar oldinda, halqani vertikal holatda oldinda pastdan ushlab turiladi. Oyoq uchida turib, o‘ng qo‘lni ko‘tarib, bosh uzra chap qo‘lga beriladi.
Chap qo‘l bilan siltash qilib, halqa pastga tushiriladi. Turgan holatda, qo‘llar oldinda, halqa gorizontal holatda eng yaqin joyidan, ustidan ushlab olinadi. Orqaga o‘ng qo‘l bilan gorizontal siltash qilinib, orqadan halqani chap qo‘lga uzatiladi. Chap qo‘l bilan gorizontal siltash qilib, halqani oldinga olish kerak.
Tasma bilan mashqlar: tasma shoyidan bo‘lishi, kengligi 4—6 sm, uzunligi 3,5 m, bukilishi 0,5 m ni tashkil qilishi zarur. Yog‘ochi 40—60 sm uzunlikda bo‘lib, qalinligi 1—1,8 sm ni tashkil qilishi kerak. Tasma yog‘ochga biriktirilib (241-a rasm), birikish uzunligi 3—7 sm dan iborat bo‘ladi. Tasma bilan bajariladigan mashqlar umumiy koordinatsiyaga va ritmni his qilishga ta’sir qiladi. Badiiy gimnastikaning ana shu mashqlarida, unga xos bo‘l-gan o‘zaro bog‘liqlik, egiluvchanlik, mutanosiblik namoyon bo‘ladi.
Tasmani ushlash turlicha bo‘lishi mumkin: tepadan, pastdan, aralash va h.k. (241-b, с rasm).