Gimnastika (yakkakurash, koordinatsion va siklik sport turlari)

237-rasm 238-rasm
Yelka bo‘ylab dumalatish oyoq uchida turgan holda bajariladi. Halqa o‘ng qo‘lda o‘ng tomonga yuqoriga ko‘tariladi. Yengil itarilib, halqa chap tomonga yo‘naltiriladi. Bosh ham pastga tushiriladi. Halqa chap qo‘l bilan ilib olinadi. Halqani to‘g‘ri otish va ilish texnikasi asosida boshqa predmetlarga tegishli prinsiplar yotadi. Otish texnikasining o‘ziga xos xususiyatlari predmetning shakli va xarakteri bilan aniqlanadi.
Har doim ham halqaning harakat yo‘nalishini hamda gavda muvozanatini saqlab qolish imkoni bo‘lavermaydi. Shuning uchun halqani otish va ilishga o‘rgatishga ba'zi bir tayyorlov mashqlarini berish zarur.
Quyida ulardan ba’zilarini keltirib o'tamiz: turgan holda, biror yo‘nalishda katta va kichik siltashlardan so‘ng chap va o‘ng qo‘l bilan otish. Turgan holda turli tezlikda aylangandan so‘ng o‘ng va chap qo'l aylanasidan keyin otish.
Bir joyda yoki harakatda otish. Turli tekisliklarda aylangandan so‘ng yopiq ko‘z bilan otish va ochiq ko‘z bilan ilib olish. Halqa aylanganidan keyin otish.