Gidromeliorativ

Zarbali parmalash
. Bunda parmalash asbobi jinsga qisqa 
muddatli bosimlar bilan kirgiziladi va bo‘shatilgan jinsni burash 
bilan sidiriladi. Bu quduq o‘qi bo‘yicha amalga oshiriladi. Zarbali 
parmalash pnevmatik parmalash bolg‘asi perfaratori bilan amalga 
oshiriladi. Buni chuqur bo‘lmagan shpuralardan (d=30-75 mm) 
har  qanday  mustahkamlikdagi  qoyalarni  (toshlarni)  qazishda 
foydalanish mumkin.
Pnevmatik burg‘i bolg‘asining ishlash prinsipi quyidagicha: 
siqilgan havo bolg‘a silindrining dam bir tomonidan, dam ikkinchi 
tomonidan  kiritiladi.  Uning  porsheni  galma-gal  ikki  tomonga 
harakatlanadi. Berilayotgan havoning bosimi 0,4-0,6 MPa bo‘lishi 
kerak. Porshen silindr ichida borish-kelish harakatiga keladi. Bolg‘a 
burg‘i shtangasining uch qismiga ulangan bo‘lgani uchun ma’lum o‘q 
bosimi ostida jinsni bo‘shatadi. Bolg‘aning tepaga harakatlanishida 
12-15°  aylanadi.  Bunday  prinsip  bilan  qizish  zarbali  aylanma 
parmalash, deb ham ataladi. Bolg‘a uchining aylanishi (8.3-jadval) 
bo‘shagan jinsning aylanishi yo‘nalishi bo‘yicha suradi va bolg‘a uchi 
navbatdagi harakatda yangi qazilmagan joyga tushadi.
Bo‘shatilgan jins elementlari parmalash shtangasi orqali, quduqqa 
yuborilgan  bosimli  havo  yoki  suv  bilan  tashqariga  chiqariladi. 
Jinslarning turiga qarab har xil shakldagi tishlar ishlatiladi. Ularning 
har xil shaklli turlari mavjud. Masalan, o‘rtacha qattiqlikdagi jinslar 
uchun dolotasimon va mixsimon, o‘ta qattiq jinslar uchun uch tig‘li 
va mixli, seryoriq jinslar uchun krestli (to‘rt tig‘lik, ya’ni krestsimon) 
va yumshoq gruntlar uchun mixli tig‘lar ishlatiladi.