Gidromeliorativ

Parmalash ishlari
Parmalash ishlariga geologik qidiruvlarni, karyerlarni hamda 
tosh-qoya va muzlagan gruntlarda portlatish yo‘li bilan qazilma hosil 
qilishda, gidromeliorativ inshootlar asosida, suv filtratsiyasiga qarshi 
qurilmalar va asoslarni mahkamlash maqsadida, gruntda shpura va 
quduq qazish bilan bog‘liq bo‘lgan ishlar kompleksi kiradi. Shpura 
- bu silindrik shakldagi qazilma bo‘lib, shartli ravishda, diametri 75 
mm gacha va chuqurligi 5 m gacha bo‘ladi, undan katta o‘lchamdagi 
xuddi shu shakldagi qazilmani - quduq, deb tushuniladi. Parmalash 
ishlarning samaradorligi tog‘ jinsining bo‘shatish usulini va jihozini 
to‘g‘ri tanlashga bog‘liq. Amaliyotda tog‘ jinslarini bo‘shatishda, 
parmalash usuli va qurilmalaridan foydalaniladi. Tog‘ jinslarini 
bo‘shatishning mexanik, fizikkimyoviy va kombinatsiyalashgan 
yo‘llari mavjud.
Qurilish amaliyotida jinslarni mexanik bo‘shatishning usullari 
ko‘proq tarqalgan. Bunda pnevmatik va gidravlik parma bolg‘alari, 
parmalashning zarbali aylantirish stanoklari hamda elektrparmalar, 
sharoshkali va shnekli parmalash agregatlari qo‘llaniladi.