Gidrogeologiya va injenerlik geologiyasi asoslari

Injenerlik geodinamikasi fani  Yerning ichki  qismida (endogen)  va
uning ustki qismida sodir bo‘ladigan (ekzogen) geologik va texnogen
(odamlarning  xo‘jalik  va  injenerlik  faoliyatlari  bilan  bog‘liq  bo‘lgan)
jarayon  va  hodisalarning  vujudga  kelish,  sodir  bo‘lish,  rivojlanish  va
barham  topish  qonuniyatlarini  hamda  sabablarini  o‘rganadi.  Ularni,
ayniqsa ekzogen jarayon va hodisalarning zararli oqibatlarini kamaytirish,
bartaraf  etish  va  ma’lum  vaqt  mobaynida  hudud  maydoni  uchun
miqdoriy bashoratlash yo‘l-yo‘riqlari ustida ilmiy izlanishlar olib boradi,
chora va tadbirlar ishlab chiqadi.