Geosiyosat asoslari

Fanatizm - Fanatizm (frants. ibodat) - muayyan g‘oyalarning to‘g‘ri ekanligiga qattiq ishonish, ularga mukkasidan berilganlikni, o‘zgacha qarash va g‘oyalarga murosasiz munosabatni ifodalovchi qarashlar va hatti - harakatlar tizimidir. U avvalo insonning hissiyotidan, biror-bir narsaga o‘ta beriluvchanligidan kelib chiqadi.
Geosiyosiy mintaqa - Bu siyosiy, iqtisodiy, madaniy, savdo va boshqa aloqalar uchun qulay imkoniyatlarga va istiqbollarga ega bo‘lgan geografik maydon.
Geosiyosiy tayanch nuqta - Bu shunday hududki u davlatga tegishli bo‘lsada total maydon hisoblanmaydi. Bu hududga boradigan tarnsport-aloqa tarmoqlari boshqa davlatga tegishli bo‘lib qoladi. Masalan Port-Artur, Kalinigrad.
Geostrategik mintaqa - O‘zining geografik joylashuvi, turmush tarzi, xarakteri, savdo va madaniy-mafkuraviy aloqalarining yo‘nalishi bilan xorijiy davlatlar tashqi siyosatida munosabatlar o‘rnatish uchun ustuvor yo‘nalishda ko‘rilayotgan makon. Shuningdek, geostrategik mintaqa - bu davlat yoki chegaradosh davlatlar (mintaqa) hududlari ham bo‘lishi mumkin. Uning geostrategik ahamiyati muhim transkommunikatsion yo‘llarga tutashganligidadir.
Gollizm - Sharl de Golning Fransiyani buyuk davlat sifatida tiklanishini asosiy maqsad qilib quygan konsepsiyasi shunday atalgan. Asosiy tushunchalari: millat, kuchli davlat, ulug‘vorlik, ijtimoiy islohotlar.
Heartland – “Asosiy o‘lka” - Yevroosiyoning shimoliy-sharqiy hududlarini o‘z ichiga oladi. Oksford universiteti professori Makinder tomonidan “Tarixning geografik o‘zagi” asarida ishlatilgan. Rivojlanishning asosiy o‘lkasi sifatida ishlatilishiga qator omillar sabab bo‘lgan: joylashgan davlatlarning rivojlanganligi; hududning maydoni, iqlimi, tabiiy zahiralarning miqdori, transporti va shu kabilar.
Hokimiyatning globallashuvi - Barcha xalqlarni o‘zida birlashtirishni maqsad qilib qoygan, aslida hokimiyat bir hovuch gegemonlar qo‘lida bo‘ladigan “jahon saltanati” ni barpo etishga intilish. Bu hokimiyat aslida yirik moliya oligarxlari, transmilliy korporatsiyalar manfaatini ifoda etadi.
Integratsiya - Mintaqaning fizik, geografik imkoniyatidan kelib chiqadigan ob’ektiv jarayon bo‘lib, ma’lum maqsad-manfaatlarni realizatsiya qilishga qaratilgan tomonlarning ixtiyoriy hatti - harakatining natijasidir.
Iqtisodiy globallashuv - Transmilliy korporatsiyalar, yirik moliya guruhlari tomonidan jahonni yagona bozorga aylantirish va shu tarzda unda o‘z tanho hukmronligini o‘rnatishga intilish.