Geosiyosat asoslari

Monro doktrinasi - 1823 yil 2 dekabrda AQSH prezidenti J.Monro tomonidan ishlab chiqilib, kongressga taqdim etilgan tashqi siyosiy konsepsiya. Mazkur konsepsiya Farb yarim sharini "amerikacha" va "Yevropacha" muhitga bo‘lish g‘oyasini o‘zida aks ettiradi. «Monro doktrina»si G‘arb yarim shari hududlarining «Yevropa kuchlari tomonidan kelajakda mustamlakaga aylantirilmasligi» lozimligini nazarda tutgan.
Morfosiyosat - Davlatning hududiy shakllarini o‘rganuvchi bilimlar majmuasi. Morfopolitika uchun davlat hududlari qanday boyliklarga egaligi muhim emas. Bunda davlat hududidan qanday ko‘rinishga ega, yoysimon, dumaloq yoki uzunchoq holatda joylashganligi, davlatda markaz bilan joylar o‘rtasidagi aloqalarning geografik tizimi va davlatning tashqi dunyoga geografik jihatdan chiqish imkoniyatlari masalasiga e’tibor beriladi.
Osiyo taraqqiyot banki - 1966 yilda BMT qoshidagi ESKATO tomonidan tashkil etilgan. 50 dan ortiq mamlakat a’zo bo‘lib kirgan. Vazifasi Osiyoning rivojlanayotgan davlatlariga iqtisodiy, moliyaviy va texnik - texnologik yordam ko‘rsatishdan iborat. Shtab - kvartirasi Manilada joylashgan.
Ostorientierung - "Sharqqa yuzlanish" - "Ostorientierung" deb ham ataladi. K.Xausxofer nemis xalqi va ular madaniyatining tarixiy ildizlarini Osiyoga - Yevro Osiyoga bog‘laydi va nemis madaniyatini butun Yevro Osiyo madaniyatining g‘arbona ko‘rinishi sifatida talqin etadi. Shuning uchun bo‘lsa kerak, inglizlar II - jahon urushi davomida nemislarni "xunlar" deb ham atashgan. Bunday nomlanish xausxoferchi geosiyosat maktabi vakillari uchun juda ma’qul kelgan.
Rimland - Hadsiz qirg‘oqbo‘yi makoni. "Rimland" - bu Shimoliy va G‘arbiy Yevropaning Atlantika okeani qirg‘oq bo‘ylari, O‘rta Yer dengizi havzasi, Qizil dengiz, Fors ko‘rfazi, Janubiy - Sharqiy Osiyoning Hind va Tinch okeani qirg‘oqlarini o‘zida tutashtirgan yoy - Yevro Osiyo materigining g‘arbiy, g‘arbiy - janubiy, janubiy, janubiy - sharqiy qirg‘oqbo‘yi makonidir.
SEATO - Janubiy - Sharqiy Osiyo tashkiloti (inglizcha). 1954 yil 8 sentabrda milliy - ozodlik harakatlari bilan kurashish uchun tashkil etilgan.1977 yilda o‘z faoliyatini to‘xtatgan.