Geografiyasi

Mehnat  resurslari  va  ulardan  foydalanish.  Mehnat  resurslari  asosini 
mehnat  yoshidagi  aholi  tashkil  etadi.  Mehnat  yoshi-ya’ni  mehnatga  qobiliyatli 
yosh  insonning  ijtimoiy  ishlab  chiqarishda  qatanashishiga  bog’liq  bo’lgan  yosh 
shartli  yosh  chegarasi  O’zbekistonda  mehnat  yoshi  erkaklar  uchun  16-60  ayollar 
uchun esa 16-55 yosh hisoblanadi. Mehnat yoshidagi aholi soni tug’ilish, o’lim va 
migratsiya jarayoniga bog’liqdir. 
 Shahar  va  qishloq  hududlarida  mehnat  yoshidagi  aholi  dinamikasi  yosh  va 
jinsiy tarkibi o’ziga xos xususiyatlariga egadir.  Mehnat yoshidagi aholini mehnat 
resurslari nuqtai nazaridan o’rganilganda 2 guruhga ajratiladi: 
-40 yoshgacha bo’lgan mehnat yoshidagi aholi. 
-40 yoshdan keyingi mehnat yoshi guruhi. 
Ushbu  yosh  guruhlari  ishlab  chiqarishda  qatnashishi  darajasi  mehnatning 
samaradorligi  o’z  kasbidagi  malakasi  bilan  o’zaro  farq  qiladi.  «Mehnat  yoshi» 
tushunchasini aholishu nos olim B.Urlanis tomonidan fanga kiritilgan. 
Mehnat  resurslari-aholining  kerakli  fiziologik  rivojlanishiga,  aqliy 
qobiliyatga ega bo’lgan va halq xo’jaligida band bo’lgan qismi  mehnat resurslari 
deyiladi. Mehnat resurslari soni jonli mehnatning mavjud imkoniyatini ifodalaydi. 
Mehnat resurslari jamiyat bag’rida ham miqdor ham sifat jihatdan rivojlanib 
boradi. 
Mehnat  resurslarining  miqdoriy  rivojlanishi  aholining  tabiiy  o’sishi  va 
migratsion xarakatiga bog’liqdir. 
Mehnat  resurslarining  sifatiy  taraqqiyoti  esa  jamiyatning  ijtimoiy-iqtisodiy 
taraqqiyot  darajasiga,  davlatning  aholi  ishga  bandligi  bo’yicha  olib  borayotgan 
siyosatiga bog’liqdir. 
Mehnat resurslaridan foydalanishda uning balansi ahamiyatlidir. 
Har  bir  mavjud  davrda  mehnat  resurslari  bandlik  sferalari    bo’yicha 
bo’linadi.  Bu  sferalar  ijtimoiy  mehnat  (davlat  tashkilotlarida  muassasalarida  va 
korxonalarda  jamoatchilik  tashkilotlarida)  shaxsiy  mehnat  (uy  xo’jaligi  shaxsiy 
xo’jalik)  va  bilim  olish(ishlab  chiqarishdan  ajralgan  holda  bilim  oladigan  o’quv 
muassasalari) va qurolli kuchlar sferalardir. 
Iqtisodiyotda  davlat  sektori  rolining  oshib  borishi  jamiyatda  ishchi  va 
xizmatchilarni ko’payishiga olib keladi. 

---

78 
 
Aholining  yuqori  darajadagi  ijtimoiy  ishlab  chiqarishda  bandligi,  mehnat 
resurslarining  sekin  tabiiy  ko’payishi  sharoitida,  mehnat  resurslaridan  effektiv 
foydalanish masalasini qo’yadi. 
Mehnat resurslarining shakllanishi, ularning xalq xo’jaligi sohalari bo’yicha 
tayyorlash va mehnat resurslaridan foydalanish juda ko’p sotsial muammolarni xal 
etishni talab etadi. 
Aholi  tarkibida  mehnat  resurslari  salmog’ining  muntazam  ko’payib  yoki 
kamayib  borishining  ham  ijobiy    ham  salbiy  oqibatlari,  ularni  xal  etuvchi 
muammolari mavjud. 
Har  bir  korxona  muassasasi va  tashkilotlarida  mehnat  resurslaridan  effektiv 
foydalanishga  erishish  uchun  ular  bilan  korxona  rahbariyati  o’rtasidagi  ijtimoiy-
iqtisodiy  munosabatlari  me’yori  buzilmasligi  har  ikkala  tomon  talablari  ham 
e’tibordan chetda qolmasligi lozimdir. 
Mehnat resurslari tarkibi asosan uch qismdan iboratdir: 
1. Mehnat yoshidagi aholi. 
2. Ijtimoiy ishlab chiqarishda qatnashayotgan o’smirlar. 
3. Ijtimoiy ishlab chiqarishda qatnashayotgan nafaqaxo’rlar (qariyalar). 
Mehnat  resurslarini  sotsiologik  nuqtai  nazardan  o’rganishga  mehnat 
resurslari  shakllanishi,  ulardan  foydalanish,  ularga  bo’lgan  talab,  mehnat 
resurslarining ish joyidagi ko’nimsizlik sabablari ularning sifatiy taraqqiyoti bilan 
bog’liq qator sotsial omillarga e’tiborni qaratish lozim. 
Mehnat  resurslarini  sotsial-iqtisodiy  nuqtai  nazardan  o’rganishda  birinchi 
navbatda quyidagi jarayonlarga e’tibor berilishi lozim: 
1.Aholini  ijtimoiy  ishlab  chiqarishda  band  aholiga  (ishlovchilarga)  va 
ijtimoiy  ishlab  ishlab  chiqarishda  band  bo’lmagan  aholiga  (ishlamaydiganlarga) 
taqsimlanishi. 
2.Ishchilarning  ijtimoiy  ishlab  chiqarish  sohalari  bo’yicha  taqsimlanishi 
(moddiy  ne’matlar  ishlab  chiqarish  sohalari,  moddiy  ne’matlar  ishlab 
chiqarmaydigan sohalar. 
3.Ishchilarning aqliy va jismoniy mehnatlar bilan bog’liqligi. 
4.Ishchilarning umumta’lim va kasb-hunar malakalarga tayyorlash darajasini 
oshib  borishi  yuqorida  keltirilgan  jarayonlarni  o’rganish  mehnat  resurslaridan 
samarali  foydalanishni,  halq  xo’jaligining  har  bir  sohalarini  ishchi  kuchi  bilan 
muntazam  ta’minlab  borishi  imkoniyatini  yaratadi.  Mehnat  resurslarining 
shakllanishi  dunyo  davlatlari  bo’yicha,  turli  mavqega,  xususiyatlarga  egadir.  Bu 
borada  har  bir  xududning  ijtimoiy-iqtisodiy  va  demografik  imkoniyatlari  asosiy 
omil bo’lib xizmat qiladi. 
O’zbekistonda  mehnat  yoshidagi  aholi  salmog’ining  yuqoriligi,  mehnat 
resurslarini muntazam ko’payib borishini ta’minlaydi. 
Hozir respublika qudratli mehnat salohiyatiga ega. Mehnat zahiralari bugun 
aholining  deyarli  50  %  tashkil  etadi  va  har  yili  210-220  ming  kishiga  ko’payib 
boroqda. 
Mehnat  salohiyatining  muhim  xususiyati  uning  yosh  va  kasb  tarkibidir. 
O’zbekiston  aholisining  o’rtacha  yoshi 24  yoshga teng.  Bu  XXI  asr bo’sag’asida 

---

79 
 
mehnat zahiralari yuksak mehnat faolligi kasb tayyorgarligi bilan ajralib turadigan 
odamlar ko’pchilikni tashkil etishiga imkon beradi. 
Ish  bilan  band  bo’lgan  aholini  tarkibiy  jihatdan  qayta  taqsimlash  hamda 
mehnatga  layoqatli  yoshlarni  faoliyatining  yangi  ilg’or  tarmoqlari  va  sohalariga 
jalb qilish ham mehnat salohiyatidan samarali foydalanishning qudratli zahirasidir. 
Hozir qishloq xo’jaligida barcha ijtimoiy ishlab chiqarish xodimlarining uchdan bir 
qismidan ko’prog’i band. 
Mehnat  zahiralarining  umumiy  va  professional  ta’lim  darajasi  yuqoridir. 
Respublikada  majburiy  umumiy  o’rta  ta’lim  qonun  yo’li  bilan  mustahkamlab 
qo’yilgan.  Bunday  ta’limni  umumiy  (majburiy)  ta’lim  maktablari,  litseylar, 
gimnaziyalar,  o’rta  kasb-hunar  o’quv  yurtlari  va  tijorat  maktablarining  keng 
tarmog’i orqali olish mumkin. Bu borada qiziqarli va namunali statistika mavjud. 
15 va undan  katta  yoshdagi har  1000 kishiga hisoblaganda, oliy  va  to’liqsiz oliy 
ma’lumotlar soni ancha ortdi. Hozirgi vaqtda u 143 kishini tashkil etadi. Shu  bilan 
birga  ta’lim  olish  11,4  yilga  yetdi.  Har  1000  kishining  200  nafari  o’rta  maxsus 
ma’lumotli  mutaxassislardir.  Moddiy  ishlab  chiqarish  va  xizmat  ko’rsatish 
sohasida  band  bo’lgan  to’rt  kishining  bittasi  oliy  yoki  o’rta  maxsus  ma’lumotiga 
ega.  Ya’ni  hozir  bilim  darajasi  jihatidan  respublika  haqli  suratda  o’qimishli 
mamlakatlar qatoriga kiradi. 
Mehnat resurslarini sotsial tahlil etishda aholi sonining, o’sib borishi, uning 
xududiy xarakati, mehnat resurslarining sotsial-demografik tarkibini bilish muhim 
vazifalardan hisoblanadi. 
Mehnatga  layoqatli  aholi  yoki  «mehnat  resurslari»  2  murakkab  sistemasi-
aholi  bilan  ishlab  chiqarishni  bir  butun  qilib  birlashtiradi.  Mehnat  resurslari-bu 
jamiyatning  asosiy  ishlab  chiqaruvchi  kuchi,  ijtimoiy  ishlab  chiqarishning  eng 
muhim komponentdir. 
Mehnat  resurslarining  soni,  tadrijiy  o’zgarishi  professional  tayyorgarligi  va 
joylashishi  butun  mamlakat  miqyosida  va  ayniqsa  regionlar  doirasida  ishlab 
chiqarishning  ixtisoslashishi  va  hududiy  tashkil  etishiga  katta  ta’sir  ko’rsatadi. 
Halq  xo’jaligining  muhim  programmalarini  amalga  oshirish  zarurati  esa  kadrlar 
tayyorlash,  ularni  ishlab  chiqarish  tarmoqlari  va  ayrim  hududlar  o’rtasida  qayta 
taqsimlashga qaratilgan davlat siyosati yurgizishni taqozo etadi, bu esa aholi tizimi 
va geografiyasida o’z aksini topadi. 
Mehnatga  layoqatli  yosh  chegaralari,  davlat  tomonidan  ko’p  omillarni  shu  
jumladan har xil yoshdagi odamlarning o’z sog’lig’iga putur yetkazmasdan mehnat 
qilish  qobiliyatini  davlatning  ishchi  kuchiga  bo’lgan  ehtiyojini  mamlakatdagi 
yoshlarning  majburiy  o’rta  zarurligi  va  boshqalarni  hisobga  olgan  holda 
belgilanadi. 
Mehnat resurslari-bu faqat potentsial ishchi kuchi bo’lib, bu kuchdan jamiyat 
o’z imkoniyatlari va ehtiyojlarini hisobga olgan holda turli darajada har tomonlama 
va  samaradorlik  bilan  foydalanshi  mumkin.  Mehnat  resurslarini  boshqarish, 
ularning  tarkib  topishi  va  ulardan  foydalanish  jarayonlarini  o’zaro  bog’liq  holda 
rejalashtrish  asosida  amalga  oshiriladi.  Mehnat  resurslarining  vujudga  kelish-bu 
ularning  miqdor  va  sifat  ko’rsatkichlari  bo’yicha  rivojlanish  jarayonidir.  Mehnat 
resurslarining  o’sishi  birinchi  navbatda,  mamlakatdagi  demografik  vaziyatga 

---

80 
 
hamda  aholi  va  ayniqsa  mehnatga  layoqatli  yoshga  o’tayotgan  kishilar  sonining 
tadrijiy o’sishiga bog’liq. 
Mehnat  resurslarining  tadrijiy  o’sishi  mehnatga  layoqatli  yoshga  yetgan  va 
shu    kategoriyadan  chiqib  ketayotgan  kishilar  sonining  nisbatiga  bog’liq.  Aholi 
yuqori  sur’atlar  bilan  o’sganda  va  uning  absolyut  ko’payishi  ro’y  berganda 
mehnatga  layoqatli  yoshga  o’tayotgan  kishilarning  miqdori  har  bir  keyingi  yilda 
mehnat resurslarining tabiiy kamayishidan sezilarli darajada ortiq bo’ladi, natijada 
mehnat  resurslarining  soni  ko’payadi,  aholi  past  sur’atlar  bilan  o’sganda  esa 
buning teskarisi bo’ladi. 
Mehnat  resurslaridan  foydalanish  ikkita  asosiy  talabga  mehnatning  yuqori 
samaradorligi  va  mehnatga  layoqatli  aholining  to’liq  bandligiga  erishishni  ko’zda 
tutadi.  Mehnat  resurslaridan  samarali  foydalanishning  asosiy  mezoni-ijtimoiy 
mehnat unumdorligi va uning o’sish sur’atlaridir. 
Mehnat  unumdorligi  ko’p  sabablarga  ishlab  chiqarishning  texnika  bilan 
jihozlanganligi va mehnatga to’g’ri tashkil qilishiga, ishchilarning malakasiga ham 
bog’liq.  Ishlab  chiqarishning  joylashish  xususiyatlari  va  uning  kombinatlanishi 
darajasi  hamda  ishlab  chiqarish  jarayoni  amalga  oshirilayotgan  tabiiy  sharoitlar 
ham  juda  katta  ahamiyat  kasb  etadi.  Bu  omillar  ijtimoiy  ishlab  chiqarish 
geografiyasi bilan bog’liqdir. U bilan mehnat unumdorligi darajasi o’rtasida o’zaro 
bog’liqlikni aniqlash iqtisodiy-geografik tadqiqotlarning muhim masalasidir. 
Mehnat resurslaridan foydalanishning muhim mezonlaridan biri bu aholining 
mehnatga  faolligi,  ijtimoiy  ishlab  chiqarishda  band  bo’lgan  mehnatga  layoqatli 
aholining salmog’idir. 
Demografik  jarayonlardagi,  aholining  jinsiy-yosh  tarkibi  va  oilaning  katta 
kichikligi,  aholi  harakatidagi,  shuningdek  mehnat  malakasidagi,  xo’jalik  yuritish 
shakllari va aholini hamda aholi manzilgohlarining joylashuvidagi muhim hududiy 
tafovutlar  millatlarning  moddiy  va  ma’naviy  madaniyati  bilan  chambarchas 
bog’liq. 
Kishilarning  tarixan  tarkib  topgan  umumiyligi  milliy  yoki  etnik  umumiylik 
deb ataladi. 
Etnik  umumiylik-«etnos»,  ijtimoiy  rivojlanishning  ob’ektiv  qonunlari 
asosida  shakllangan  va  hudud,  til,  ma’naviy  hamda  madaniy  xususiyatlari,  o’z-
o’zini  anglash  kabi  bir  qator  umumiy  barqaror  belgilarga  ega  bo’lgan  sotsial 
organizmdir. 
Qabila  etnik  taraqqiyotining  boshlang’ich  bosqichi  bo’lib,  ibtidoiy  jamoa 
tuzumida  tarkib  topgan.  Elat  ma’lum  tarixiy  sharoitlarga  etnosning  soni  va 
joylashganligiga,  uning  bir  butunligini  belgilab  beruvchi  belgilarga  bog’liq  holda 
tarkib topadi va rivojlanadi. 
Millat-jamiyat  taraqqiyotining  muayyan  bosqichidagi  etnik  birlikning  oliy 
shaklidir. 
Belgilarning  barqarorligi,  hudud,  til,  madaniyat  shu    etnosga  mansub 
ekanligini  anglaydigan  kishilar  milliy  etnikning  umumiyligi  millat  uchun  xosdir. 
Aholini  geografik  o’rganishda  uning  milliy  xususiyatlarini  hisobga  olish  muhim 
metodologik va amaliy ahamiyatga ega.  

---

81