География ҳӘм тәбийий ресурслар факультети экономикалық ҲӘм социаллық география кафедрасы

Бесинши бабы «Африкада урбанизация» деп аталып, онда Африканың сол даўирдеги халқы 424 миллион (1977), халқының орташа тығызлығы 14 адам болған. 1965-1975-жыллар даўамында халықтың орташа жыллық тәбийий өсиўи 2,7% еди, бул жәҳәнниң орташа көрсеткишинен (1,9%) адеўир жоқары. Африкада қала халқының улеси сол даўирде шама менен 26 %ти қурады. Қала халқының улеси континент бойынша мамлекетлерде бирдей емес, мысалы, Алжирде 54 % (1975) болса, ал Руанда ҳәм Бурунди еллеринде 4-5% ти қурайды. Африканың улкен бөлими ушын 10 мың халқы ҳәм оннан көп болған елатлы пунктлер қала деп есапланыўы кереклиги айтылады.
Китаптың алтыншы бабы «Америкада урбанизация» деп аталып онда Америкадағы қалаларды жаратыўдың дәслепки басқышлары колониялық даўирге туўра келсе, кейиншелик 18-әсирдиң соңғы шерегинде континенттиң арқа бөлимлери, 19-әсирдиң биринши шерегинде орта ҳәм қубла бөлимлери, тийкарғы аймақлар болса ғәрезсизликти қолға киргизди. Бул урбанизация процессин сезилерли дәрежеде тезлестиргени келтириледи. АҚШ та ири қалалар саны турақлы өсти. 1950-жылда 168, 1960-жылда 212, 1970-жылда 243, 1974-жылда 280 ге жетип, олар халық санының кеминде 70 %ин қурап, мамлекет аймағының тек 10 %ин ийелегени ҳ.т.б мағлыўматлар келтириледи.
Шығарманың кейинги жетинши бабы «Австралия ҳәм Океанияда урбанизация» деп аталып, онда мамлекеттиң урбанизациясы ҳәм бул пойастың аймағы, тәбияты көз-қарасынан 3 категорияға бөлиниўи мумкин. Австралия ҳәм Жаңа Зеландия биринши категорияға кирип, жудә жоқары урбанизацияласқан дарежедеги капиталистлик еллер; 1975-жыллар қала ҳалқы Австралияда 87%, Жаңа Зеландияда 83% еди. Екинши категорияға Гавайи атаўлары (АҚШ тың 50-штаты), Жаңа Каледония (Францияның теңиз арты аймағы), Фиджи, Шығыс Самоа (АҚШ қа тийисли), Таити (Францияға тийисли), Гуам (АҚШ тың сиясий базасы) ҳ.басқалар киреди. Ушинши категорияға Океаниядағы басқа көплеп атаўлар киреди; олар урбанизацияның пәс дарежеси менен ажыралып туратуғынлығы келтириледи.
Жуўмақлаўында Урбанизация әҳмийетли, көп тармақлы процесслерден бири екенлиги ҳәм бизлердиң көз алдымызда өзгерип, дунияның географиялық суўретиниң көплеп қасийетлерине айланғанлығы айтылған.