Gazandadoshlar tuqimlasinin dorilik turlari, biologiyasi, ekologiyasi, xaliq xo’jaligidagi ahamiyati

Oddiy jag’-jag’, achambiti -Capsella bursa pastoris. Bir yillik o’t hisoblanadi. Bo’yi - 10-30 sm. Poyasi oddiy yoki shoxlangan. Tuklar bilan qoplangan, ildiz bo’g’zidagi barglar patsimon bo’lingan. Poyachaga o’rnashgan barglar cho’ziq, o’qnamo- patsimon bo’lingan, yuqoridagi barglari butun. Tojbarglari oq. Mevasi teskari - yuraksimon uchburchak shaklida. Bog’, ekinzorlarda, yo’l hamda daryo bo’ylarida o’sadi (3-rasm). Gul formulasi:♀ ♂ *Са₄Со₄А₄₊₂G₍₂₎



3-rasm. Oddiy jag’-jag’, achambiti -Capsella bursa pastoris: 1-umumiy ko’rinishi, 2-guli, 3-gulqo’rg’onsiz gul, 4-ochilgan meva 5-gul diagrammasi, 6-mevaning ko’ndalang kesimi.

Gulxayrinamolar-Malvales qabilasi

Qabila 11 ta oilani birlashtiradi. Qabila vakillari daraxt, buta va o’tlardan iborat. Ular asosan tropik va subtropik hududlarda tarqalgan.

Mazkur qabilaga mansub firmiana (Firmiana simplex) xom - ashyosidan pepsi-kola va koka-kola tayyorlashda foydalaniladi. Shuningdek, qabilaga shokolad daraxti (Theobroma cacao) va Baobab (Adansonia digitata) daraxti kiradi.

Gulxayridoshlarga o't, buta va daraxtlar kiradi. Oilaga 85 turkum, 1000 ta tur kiradi. Bizda 6 turkumga mansub 17 turi o’sadi. Barglari oddiy, qirqilgan, panjasimon. Gullari ikki jinsli, to’gri (aktinomorf), gulkosa, gultojbarglari beshtadan. Urugchisi va changchisi cheksiz. Mevasi – ko’p urugli ko’sakcha