G. Q. Salijanova boyitishning yordamchi

Barabanli quritgich.

---

68
Baraban aylanishi natijasidan nam mahsulot ta’minlagich 
orqali vintli qabul qiluvchi nasadka (
7
) ga beriladi, bu yerda 
mahsulot aralashtirish ta’sirida biroz quriydi. So‘ngra mahsulot 
barabanning ichki qismiga o‘tadi. Nasadkalar barabanning kesimi 
bo‘yicha mahsulotni bir me’yorda tarqatish va aralashtirishni 
ta’minlaydi.
Bunday sharoitda mahsulot bilan qurituvchi agentning o‘zaro 
ta’siri samarali bo‘ladi. Baraban ichidagi mahsulotning o‘ta qizib 
ketish darajasini kamaytirish uchun, mahsulot va qurituvchi 
agent (tutunli gazlar) bir-biriga nisbatan to‘g‘ri yo‘nalishda 
bo‘ladi, chunki bunday sharoitda yuqori haroratli issiq gazlar 
katta namlikka ega bo‘lgan mahsulot bilan to‘qnashadi. Mayda 
zarrachalarning gazlar bilan ketib qolishini kamaytirish 
maqsadida barabandan so‘rib olinayotgan gazlarning tezligini 
ventilator (
8
) yordamida ushlab turiladi. Ishlatilgan gazlar 
atmosferaga chiqarilishidan oldin mayda changlardan siklon (
9
) 
da tozalanadi. Quritilgan mahsulot barabandan tushirib oluvchi 
kamera (
10
) orqali tushiruvchi qurilma (
11
) dan chiqariladi. 
Baraban uzatgich (
4
) orqali harakatga keltiriladi. Qurutish 
uchun kerak bo‘ladigan gaz-havoli aralashma o‘txonada yonilg‘i 
yonishidan hosil bo‘ladi.
Bu turdagi barabanli quritgichlar misli, ruxli, magnetitli, piritli 
va h. k. rudali konsentratlar va nometall mahsulotlarni quritishda 
ishlatiladi. Qurituvchi gazlarning barabanga kirishdagi harorati 
600–1100°C, barabandan chiqishdagi harorati 100–200°C.
Barabanli quritgichlarni ishlab chiqish quvvati baraban 
uzunligiga, uning diametriga va quritish vaqtiga bog‘liq. Quritilgan 
mahsulotning oxirgi namligi unga qo‘yiladigan talablar asosida 
belgilanib, 4–8% atrofida bo‘ladi.
Baraban hajmining to‘ldirish darajasi 10–12%, mahsulotning 
barabanda bo‘lish vaqti 7–15 daqiqa.

---

69