G. N. Maxmudova innovatsion iqtisodiyot

 
10.2. Korxonaning innovatsion faoliyatni moliyalashtirish 
Milliy iqtisodiyotni har tomonlama rivojlantirishda innovatsion 
jarayonlarni samarali boshqarish innovatsion faoliyatning muhim jihatlaridan 
hisoblanadi. Shu bois, sanoat korxonalaridagi mavjud moddiy-texnik bazani 
yangilash, ishlab chiqarish ob’ektlarini rivojlantirish, yangi faoliyat turlarini 
oʻzlashtirish, ilmiy hajmdor mahsulotlar ishlab chiqarish, korxonalarda 
innovatsion muhitni yaratish, innovatsion ishlab chiqarishni ragʻbatlantirish 
innovasion jarayonlarni strategik boshqarishning asosiy vazifalaridan biridir. 
Shu bilan birga, iqtisodiyot tarmoqlarida ishlab chiqarishni 
modernizatsiyalash, raqobatchilikka asoslangan biznes muhitini yanada 
rivojlantirishda davlat tomonidan innovatsion siyosatning amalga oshirilishi 
muhim ustuvor yoʻnalishlardan hisoblanadi. Chunki davlat tasarrufidan 
chiqarilgan va xususiylashtirilgan korxonalar negizida tashkil etilgan xoʻjalik 
sub’ektlarida innovatsion jarayonlarni strategik boshqarishning ahamiyati 
ortib bormoqda. 
Xoʻjalik 
yuritishning 
zamonaviy 
shart-sharoitlarida 
iqtisodiy 
oʻsishning sur’ati va sifatini ta’minlash, ishlab chiqarilayotgan mahsulotning 
ichki va tashqi bozorlardagi raqobatbardoshligini ta’minlash, milliy 
iqtisodiyotning barcha soha va tarmoqlari mutanosib rivojlanishiga erishish 
innovatsion xarakterga ega boʻlmogʻi lozim. Bunga erishishning birmuncha 
murakkabligi korxona doim tanlov oldida turishi, ya’ni agar yangi turdagi 
mahsulot ishlab chiqarilmasa ertami – kechmi tanazzulga uchrashi, ishlab 
chiqarish yoʻlga qoʻyilsa yangi turdagi mahsulotlar yirik xarajatlar bilan 
bogʻliqligi, ya’ni korxona yetarli darajada moliyaviy mablagʻlarga ega 
boʻlishi zarur. Bu esa iqtisodiyot tarmoqlarida faoliyat yurituvchi 
korxonalarning juda oz qismi – 5 foizigina mustaqil tarzda ilmiy tadqiqot 
faoliyati bilan shugʻullanishini koʻrsatmoqda. 
Innovatsion faoliyatni moliyalashtirishning oqilona tizimini yaratish 
orqali moliyaviy resurslarni jamlash va ularni innovatsion jarayonlarning 
ustuvor sohalariga yoʻnaltirish imkoniyatlari paydo boʻladi. 
Innovatsion faoliyatni moliyalashtirish – yangi turdagi mahsulotlarni 
ishlab chiqarish jarayonini loyihalashtirish, tadqiq etish va tashkil qilish, 

---

157 
ishlanmalar 
va 
tashkiliy 
jarayonlarni, 
yangi 
turdagi texnika 
va 
texnologiyalarni, ish va xizmatlarni, shuningdek, boshqaruvning yangi shakl 
va uslublarini yaratish va joriy etishga yoʻnaltirilgan pul mablagʻlaridan 
foydalanishdir. 
Korxona innovatsion faoliyatini moliyalashtirish manbalarini ichki (oʻz 
mablagʻlari) va tashqi manbalarga ajratish mumkin.(33-rasm)