G. N. Maxmudova innovatsion iqtisodiyot

 
6.3. Litsenziyalash 
Oʻzbekiston Respublikasi Oliy Majlisining 2001 yil 12 maydagi 
“Amalga oshirilishi uchun lisenziyalar talab qilinadigan faoliyat turlarining 
roʻyxati toʻgʻrisida”gi 222-II-son qaroriga asosan audiovizual asarlar, 
fonogrammalar va EHM uchun yaratilgan dasturlarni takrorlash, sotish, 

---

90 
prokatga berish, shuningdek fonogrammalarni tayyorlash boʻyicha faoliyat 
turlarini lisenziyalanadigan faoliyat turlari boʻlib hisoblanadi. Mazkur 
faoliyat turlarini lisenziyalash bilan bogʻliq munosabatlar Oʻzbekiston 
Respublikasi Vazirlar Mahkamasinig 2012 yil 15 martdagi 72-son qarorining 
1-ilovasiga muvofiq asdiqlangan “Audiovizual asarlarni, fonogrammalar va 
EHM uchun yaratilgan dasturlarni takrorlash, sotish, prokatga berish, 
shuningdek fonogrammalarni tayyorlash boʻyicha faoliyat turlarini 
lisenziyalash toʻgʻrisida Nizom” ga asosan tartibga solinadi. 
Mazkur Nizomning maqsadlariga koʻra: 
•
audiovizual asarlar, fonogrammalar va EHM uchun yaratilgan 
dasturlarni takrorlash; 
•
audiovizual asarlar, fonogrammalar va EHM uchun yaratilgan 
dasturlarni sotish; 
•
audiovizual asarlar, fonogrammalar va EHM uchun yaratilgan 
dasturlarni prokatga berish; 
•
fonogrammalarni tayyorlash faoliyat turlari lisenziyalanadi. 
Audiovizual asarlar, fonogrammalar va EHM uchun yaratilgan 
dasturlarni takrorlash, sotish, prokatga berish, shuningdek fonogrammalarni 
tayyorlash boʻyicha faoliyat turlarini amalga oshirish uchun namunaviy 
(oddiy) lisenziya beriladi. 
Lisenziyalarni berish, amal qilishini toʻxtatib turish yoki toʻxtatish, 
shuningdek uni bekor qilish yoki qaytadan rasmiylashtirish haqidagi qarorlar 
Oʻzbekiston Respublikasi Intellektual mulk agentligi (lisenziyalovchi organ) 
tomonidan qabul qilinadi. 
Nizomning 5-bandiga asosan, audiovizual asarlar, fonogrammalar va 
EHM uchun yaratilgan dasturlarni takrorlash, sotish, prokatga berish, 
shuningdek fonogrammalarni tayyorlash boʻyicha faoliyat turlari yuridik 
shaxslar tomonidan amalga oshiriladi. 
Intellektual mulk agentligi sanoat mulki obektlariga patent berish 
haqidagi talabnomalarni koʻrib chiqish uchun qabul qiladi, ular boʻyicha 
davlat ekspertizasini oʻtkazadi, ularni davlat roʻyxatiga oladi, sanoat mulki 
obektlariga patentlar beradi, rasmiy axborotnoma nashr etadi, sanoat mulki 
obektlari toʻgʻrisidagi qonun hujjatlarining qoʻllanilishiga doir qoidalar 
qabul qiladi va tushuntirishlar beradi. (10-jadval).